Qazaqstannyń profilaktikalyq meditsina akademiiasynyń prezidenti Almaz Sharman COVID-19 qarsy vaktsinanyń perspektivalary týraly aitty, dep habarlaidy QazAqparat.
Almaz Sharman pandemiia 2021 jyldyń ortasynda nemese sońynda aiaqtalýy múmkin ekeni týraly derekterdi keltirdi. Ony tiimdi jáni qaýipsiz vaktsinalardyń daiyndaýmen bailanystyrady, álemde mundai vaktsinalardy jasaý úshin eki júzge jýyq zerthana jumys istep jatyr.
«Koronavirýsqa qarsy Pfizer/BioTech jáne Moderna kompaniiasynyń vaktsinasy jaqynda synaqtan sátti ótti. Olardyń tiimdiligi 95 paiyzdan asqan. Bul óte joǵary kórsetkish. Eki vaktsina matritsalyq RNK-nyń eń zamanaýi tehnologiiasyna negizdelgen. Onyń basty ereksheligi tek antidenelerdiń bólinýine ǵana emes ári jasýshalyq immýndyq áserine de yqpal etedi. Bul nátijelerdiń barlyǵy mamandardyń boljamynan asyp tústi jáne shabyttandyrýda. Demek, ǵalymdar COVID-19-dy jeńý jolynda taǵy bir mańyzdy qadam jasaǵan siiaqty», — dedi ol.
Kelesi jyly birneshe milliard dozada túrli vaktsinalar óndiriledi dep kútilýde. Onyń ústine, álemde halyqty vaktsinatsiialaý máselesi túrli pikirler týdyrýda.
Professordyń aitýynsha, vaktsinalar adamzatqa pandemiiadan qorǵaityn immýnologiialyq jastyqty qalyptastyrýǵa kómektesedi. Alaida, aǵzada koronavirýsqa qarsy beitarap antidenelerdiń qanshalyqty uzaq saqtalatyny jáne adamnyń qansha ýaqytqa immýnitetke ie bolatyny áli de túsiniksiz. Osyǵan bailanysty, keibir jasalyp jatqan vaktsinalar eki nemese odan da kóp ekpeni qajet etýi múmkin.
Eske salsaq, Qazaqstanda otandyq QazCovid-in vaktsinasyn klinikalyq zertteýdiń qorytyndy III kezeńiniń bastalýy maquldandy. Aldyn ala zertteý nátijeleri vaktsinanyń joǵary qaýipsizdigi, immýnogendiligi jáne tiimdilik deńgeiiniń 96% kórsetýde.
