Profilaktikalyq meditsina akademiiasynyń prezidenti, Amerika densaýlyq saqtaý qaýymdastyǵynyń múshesi, immýnolog Almaz Sharman qazaqstandyqtarǵa egilip jatqan vaktsinalardyń basty erekshelikterin atady, dep habarlaidy QazAqparat.
«Vaktsinalarǵa eki turǵyda qaraý kerek dep esepteimin. Qazaqstandaǵy «Spýtnik V» vaktsinasy eki komponentin tolyq alǵan jaǵdaida aǵzany virýstan jaqsy qorǵai alady. Syńar komponentin emes, qos komponentin birdei alý mańyzdy. Gamaleia institýty málimdegen zertteýler zerthana qutysynda jasalǵan. Iaǵni, olar virýsty quty ishinde zalasyzdandyrdy. Negizi, vaktsinanyń tiimdiligi dáleldeitin jalǵyz durys jol – shynaiy jaǵdaida synaý. Basqa memleketterde adenovirýstyq vaktsinalar delta-virýstan eki komponentin birdei alǵanda tiimdi qorǵai alatynyn kórsetip otyr. Men elimizde salynyp jatqan vaktsinalar «delta+» shtamynan da qorǵai alady dep topshylap otyrmyn. «Spýtnik V» vaktsinasy da adenovirýstyq ekpe bolǵandyqtan, ony da delta shtamynan qorǵaidy dep aitýǵa bolady», -dedi professor.
Sarapshy QazVac vaktsinasynyń múmkindigine de toqtaldy.
«Qazaqstandaǵy vaktsinalardyń kelesi túri inaktivtendirilgen ekpe ekenin bilesizder. Ol – Sinopharm, Sinovac siiaqty vaktsinalar. Men QazVac-ty da osy qatarǵa qosar edim. Bul ekpeler kóbinese qaiǵyly jaǵdailardan qorǵaýǵa baǵyttalǵan. Iaǵni, aýyr jaǵdaidaǵy naýqastardy jaqsy qorǵaidy. Bul ekpeler naýqas juqtyrýdan azyraq qorǵaǵanymen, reanimatsiia men jasandy ókpe apparattaryna túspeýine kómektesedi.
Atalǵan vaktsinalardyń osy qasietteri delta shtamyna da dál osylai áser etedi dep esepteimin. «Delta+» shtamy týraly estip jatyrmyz. Biraq ony Dúniejúzilik densaýlyq saqtaý uiymy áli resmi rastamaǵandyqtan, ázirge delta shtamy dep jalpy ataýmen qaraý jón dep oilaimyn», - dedi Almaz Sharman.
