Almatyda ótken onlain brifing barysynda qalalyq Jedel járdem qyzmetiniń bas dárigeriniń mindetin atqarýshy Birjan Ospanov jedel járdem qyzmetiniń COVID-19 infektsiiasynyń yqtimal ekinshi tolqynyna qandai daiyndyq jasap jatqanyn aitty, dep habarlaidy QazAqparat.
«Koronavirýs infektsiiasynyń ekinshi tolqyny bolyp jatqan jaǵdaida daiyn bolý úshin bizdiń brigadalar sany 220-ǵa artty. Qosymsha 40 brigada daiyndaldy. MÁMS esebinen 20 kólik rezervke qoiyldy. Ákimdiktiń tarapynan kórsetilgen kómek aiasynda jekemenshik kompaniialardan taǵy 20 kólik ázir tur. Dál qazir bizde 180 brigada 11 qosalqy stansa jumys istep jatyr. Onyń ishinde dáriger, feldsher, júrgizýshiler bar», - dedi Birjan Ospanov.
Aýrýdyń kórsetkishteri artqan jaǵdaida feldsher sany 120-ǵa deiin artpaq.
«Osyǵan bailanysty biz Almaty meditsinalyq kolledji men Respýblikalyq meditsinalyq kolledjden 60 erikti, jekemenshik meditsinalyq ortalyqtardan 60 feldsher daiyndap otyrmyz. Aqparattyq-jedel ortalyqtarda keńes beretin 22 maman qosylady»,- dedi spiker.
Sonymen qatar, jedel járdem kólikterinde zararsyzdandyrýdyń zamanaýi tehnologiiasy qoldanyla bastady.
I jáne II eshelon emhanalarynda barlyq jedel járdem kólikteri sýyq bý generatorymen dezinfektsiialanady.
«Patsientti jetkizgen soń kólikter statsionarda birden zararsyzdandyrylady. Ol úshin bailanysssyz bý generatory qoldanylady. Al buryn kólikter stansaǵa qaita oralyp sol jerde sanitar qyzmetkerler tazalaityn», - dedi ol.
