Almatynyń Túrksib aýdanynda Spasskaia kóshesi, 77 mekenjaiyndaǵy aýmaqty kórkeitý jumystary aiaqtaldy. Joba aýdan turǵyndarynyń usynysy boiynsha «Halyq qatysatyn biýdjet» baǵdarlamasy aiasynda júzege asyryldy.
Buǵan deiin kóriktendirilmegen aýmaqta balalar jáne sport alańdary jasaqtalyp, oiyn elementteri men vorkaýtqa arnalǵan jabdyqtar ornatyldy. Sonymen qatar turǵyndardyń demalýyna arnalǵan oryndar qurylyp, jabyndar men qorshaý jańartyldy. Qaýipsizdikti qamtamasyz etý maqsatynda beinebaqylaý júiesi de ornatyldy.
Jumystar 2026 jyly maýsym aiynda aiaqtaldy. Sonyń nátijesinde turǵyndardyń otbasymen demalýyna, sportpen shuǵyldanýyna jáne bos ýaqytyn tiimdi ótkizýine arnalǵan jańa qoǵamdyq keńistik paida boldy.
