Foto: Almaty ákimdigi
Qazaqstannan jalǵyz ókil retinde «Alataý» dástúrli óner teatry álemdegi eń áigili teatr forýmdarynyń biri A.P.Chehov atyndaǵy XVII Halyqaralyq festivalge resmi túrde shaqyryldy, dep habarlaidy Ult.kz.
«Alataý» teatry 8-9 shilde kúnderi Máskeýdegi Mossovet atyndaǵy Memlekettik teatr sahnasynda «Mamluk. Sultan Beibarys» atty epikalyq saýndramasyn qoiady.
Qoiylymda Beibarystyń quldyqtan bastap Mysyr sultanyna deiingi ómir joly kórsetiledi. Spektaklde ulttyq naqyshtaǵy jandy mýzyka, jekpe-jek kórinisteri men Quran súreleriniń oqylymy úilesim tapqan.
2024 jyly Sultan Beibarystyń 800 jyldyǵyna orai týyndynyń tusaýy kesilgen. Qoiylym quramynda 85 artist óner kórsetedi. Basty róldi «Daryn» memlekettik jastar syilyǵynyń laýreaty Áset Esjan somdaidy.
Biylǵy festivalge 12 elden 13 teatr qatysady. Olardyń qatarynda Qytai, Frantsiia, Armeniia, Braziliia, Úndistan, Iran syndy elder bar.
Chehov festivalinen keiin «Alataý» teatry óner saparyn jalǵastyryp, 2025 jyly Frantsiiadaǵy Off Avignon festivalinde baq synaidy.
