Almatyda respýblikalyq «Taza Qazaqstan» ekologiialyq aktsiiasy ótip jatyr, dep habarlaidy "Ult aqparat".
Mobildi toptyń quramyna ekologiialyq politsiia qyzmetkerleri, Medeý aýdany ákiminiń janyndaǵy qorshaǵan ortany qorǵaý jáne ekologiia bóliminiń mamandary, ekologiia departamenti jáne qoǵam ókilderi kiredi.
«Mobildi top «Taza Qazaqstan» aktsiiasy aiasynda «Býtakovka» shatqalyna reid júrgizdi. Nátijesinde qoqysty jaǵyp jatqan Almaty qalasynyń turǵyny anyqtaldy. Ol óziniń zań buzǵandyǵyn birden moiyndady. Nátijesinde, QR Ákimshilik quqyq buzýshylyq týraly kodeksiniń 505-baby boiynsha ákimshilik hattama jasaldy. Osy múmkindikti paidalana otyryp, biz azamattardy tabiǵatty qorǵaýǵa jáne Qazaqstan Respýblikasynyń ekologiialyq zańnamasyn qatań saqtaýǵa shaqyramyn», - dedi Medeý aýdandyq politsiia basqarmasy bastyǵynyń orynbasary Ulan Ábilqaiyr.
