Medeý aýdanynda 2026-2029 jyldary júzege asyrylatyn Almaty Promenade jobasy kópfýnktsionaldy qoǵamdyq-rekreatsiialyq keshenge ainalmaq.
Keshen aýmaǵy shamamen 30 gektar, al qurylys kólemi 317 myń sharshy metrden asady. Joba aiasynda týristik, mádeni, qonaq úi jáne kommertsiialyq nysandardy qamtityn qoǵamdyq-rekreatsiialyq keńistik qurý kózdelgen.
Jobanyń negizgi elementteriniń biri — sý infraqurylymy. Keshen aýmaǵynda sý arnalary, kórkeitilgen jaǵalaýlar, serýendeý aimaqtary men demalys oryndary jasaqtalady. Sý nysandary qoǵamdyq keńistiktiń jalpy qurylymymen úilesimdi bailanystyrylmaq.
Keshen quramynda qonaq úiler, saýda jáne qyzmet kórsetý nysandary, mádeni-oiyn-saýyq alańdary, jasyl aimaqtar, júrginshiler baǵyttary men qoǵamdyq keńistikter qarastyrylǵan.
Jobany júzege asyrý jeke investitsiiay tartýǵa, jańa jumys oryndaryn ashýǵa, sondai-aq týrizmniń, qyzmet kórsetý salasynyń jáne shaǵyn biznestiń damýyna serpin beredi.
Jobaǵa investitsiia tartý jáne qalalyq infraqurylymdy damytý jumystary aiasynda Almaty Invest kompaniiasy qoldaý kórsetedi.
Foto: Almaty ákimdigi
Foto: Almaty ákimdigi
