Baqytjan Saǵyntaevtyń tapsyrmasymen Almatynyń shetki aýmaqtarynda 111 shaqyrym jańa jol paida bolady. Bul týraly óńirlik kommýnikatsiialar qyzmetiniń alańynda ótken onlain brifing barysynda Almaty qalalyq Mobildilik basqarma basshysynyń orynbasary Ernur Abjahan aitty, dep habarlaidy QazAqparat.
«Shetki aýmaqtar boiynsha 200 shaqyrym joldyń negizgi bóligine,iaǵni shamamen 50%-dan astamyna ortasha jóndeý júrigizildi. Ol Alataý, Naýryzbai jáne Bostandyq aýdandary. Buryn qatty jabyndy bolmaǵan shaǵyn aýdandarda jobalyq-smetalyq qujattary ázirlenýde. Atalǵan JSQ júzege asyrylǵannan keiin shamamen 111 shaqyrym jańa jol paida bolady», – dedi Ernur Abjahan .
Jalpy aǵymdaǵy jyly uzyndyǵy 47,4 shaqyrymdy quraityn 177 kóshede jóndeý jumystary júrgizilýde,onyń ishinde112 kóshe boiynsha uzyndyǵy 18,6 shaqyrym jańa joldyń qurylysy aiaqtaldy. Jyl sońyna deiin qalǵan 65 kóshe paidalanýǵa beriledi.
Sonymen qatar,jol infraqurylymynyń sapasyna qatysty suraqtar boiynsha qala turǵyndary 1308 nomeri boiynsha Open Almaty qoǵamdyq qabyldaýǵa júgine alady, bolmasa áleýmettik jelilerdegi Almaty qalasynyń qalalyq Mobildilik basqarmasynyń akkaýnttaryna habarlasýǵa bolady.
