Almaty qalalyq Politsiia departamenti Sairan kóline batyp ketken er adamǵa qatysty túsinik berdi, dep habarlaidy "Ult aqparat".
Departament aqparatyna sáikes, onyń jeke bas málimetteri oqiǵa bolǵan kúnniń erteńinde anyqtaldy.
43 jastaǵy azamat Almaty oblysynyń Psihikalyq densaýlyq ortalyǵynda esepte turǵan.
Kýágerlerdiń aitýynsha, ol mas kúide bolǵan. Basynda er adam qoǵamdyq kólikte qatty daýystap án salǵan, sol úshin avtobýstan túsirilgen. Keiin kól jaǵasynda ersili-qarsyly júgire bastaǵan.
«Bir mezette sýǵa sekirip, tyiym salynǵan aimaqqa deiin júzip barǵan. Onyń denesin bir táýlikten soń qutqarýshylar izdep tapty. Ózimen birge qujattary bolmaǵan. Jeke basy tańǵa jýyq anyqtaldy», – dep habarlady politsiia ókilderi.
Aita keteiik, er adam birinshi maýsymda qaza boldy. Ol tyiym salynǵan belgilerge qaramastan Sairan kóline shomylýǵa kirip, batyp ketken.
