Qazaqstandyq fotograf Dmitrii Dotsenko Sairan kóline qonǵan aqqutan men jabaiy úirekterdiń sýretterin jariialady.
Sairan kóli qala turǵyndarynyń súiikti ornyna ainaldy. Almatylyqtar kólge aqqutan men úirekterdi tamashalaýǵa keledi.
Fotograf Dmitrii Dotsenko balyq tistep turǵan aqqutandy sýretke túsirip aldy.
"Bul bizdiń Alataýdyń endemik balyǵy. Sondyqtan mende óte qundy sýret túsirdim. Oilap qarańyzshy, 2024 jyly eki million turǵyny bar megapolistiń qaq ortasynda endemik naǵyz jabaiy tabiǵatty kóre alasyz. Bul ǵajap nárse, ony qorǵaý kerek", - dep jazdy almatylyq fotograf óziniń Instagram paraqshasynda.
Esterińizge sala keteiik, 1971 jyldan beri Almatyda alǵash ret Almaty ákimi Erbolat Dosaevtyń tapsyrmasymen Sairan kóli tazartyldy. Kóldiń túbinen jáne jaǵasynan 140 myń tekshe metrden astam qoqys pen lai shyǵaryldy.
