Almaty qalalyq Qoǵamdyq densaýlyqty saqtaý basqarmasy provizorlyq statsionarda jatqan adamdardyń densaýlyǵy jaily aitty, dep habarlaidy QazAqparat.
«Búginde Shuǵyl jedel kómek kórsetý aýrýhanasynda (provizorlyq emhana) 222 adam jatyr. Bul juqtyrǵan adamdarmen bailanysta bolǵan adamdar. Ázirge olardyń barlyǵynyń taldaýy koronavirýs joqtyǵyn kórsetip otyr. Bul ortalyqqa adamdardy ushaqtardan túsirip alyp kirgizgen. Munda basym kópshiligi Qazaqstan azamattary, AQSh, Belgiia, Túrkiia, Aýǵanstan, Resei, Tájikstan, Ózbekstan azamattary da bar. Kópshiligi er adamdar, arasynda áielder, balalar, júkti áielder de bar», - dedi aýrýhananyń bas dárigeri Saǵi Beisenbekov.
Olardyń densaýlyǵyn 314 qyzmetker baqylap jatyr.
Almatyda qalýǵa niet bildirgen qyzmetkerlerge Qyzdar pedagoikialyq ýniversiteti 200 oryndyq jataqhanasyn usyndy.
«Aýrýhanada jatqan adamdar deni saý adamdar. Biraq taldaý nátijesin qobaljýmen kútedi. Olardyń barlyǵyn tynyshtandyryp, sózben jubatýǵa týra keledi. Qazir meditsina salasy buryn sońdy bolmaǵan syn saǵatty basynan keshirip jatyr. Bizge táýlik boiy jumys jasaýǵa týra kelip jatyr. Tańnan keshke deiin obaǵa qarsy kostiým kiiýge týra keledi. Óte yńǵaisyz ekeni ras», - dedi aýrýhananyń bas dárigeriniń orynbasary Maǵaz Muqashev.
Al bul aýrýhanada munyń aldynda túsken naýqastardyń barlyǵy qaladaǵy basqa aýrýhanalardyń statsionarlaryna taratylyp jatqyzyldy.
