Búgin Almaty qalasy ákimdiginiń baspasóz ortalyǵynda Medeý aýdanynyń ákimi Sultanbek Mákejanov qala basshysy Baqytjan Saǵyntaevtyń megapolis kóshelerin jaryqtandyrý jónindegi tapsyrmasyn oryndaý barysy týraly aitty, dep habarlaidy QazAqparat.
Eske salsaq, qala ákimi Baqytjan Saǵyntaev 2020 jyldyń sońyna deiin qala boiynsha barlyq kóshelerge jaryq shamdaryn ornatýdy tapsyrǵan bolatyn.
«Qala ákiminiń tapsyrmalaryn oryndaý maqsatynda biz byltyr kóshelerdi aralap, tekserý jumystaryn júrgizdik. Nátijesinde jaryǵy joq biraz kóshe anyqtaldy. Ótken jyly biz 19 kóshege 1084 jaryq núktesin ornattyq», - dedi Sultanbek Mákejanov.
Sonymen qatar, ol ekinshi kezeńde B.Saǵyntaevtyń tapsyrmasy boiynsha biyl 279 kóshe men 27 aýlaǵa 6200 jaryq shamyn ornatý josparda ekenin aitty.
Onyń aitýynsha, jaryqtandyrýdan bólek, olardy jóndeý jumystary jyl sońyna deiin tolyǵymen aiaqtalady.
