بٷگٸن الماتى قالاسى ەكٸمدٸگٸنٸڭ باسپاسٶز ورتالىعىندا مەدەۋ اۋدانىنىڭ ەكٸمٸ سۇلتانبەك مەكەجانوۆ قالا باسشىسى باقىتجان ساعىنتاەۆتىڭ مەگاپوليس كٶشەلەرٸن جارىقتاندىرۋ جٶنٸندەگٸ تاپسىرماسىن ورىنداۋ بارىسى تۋرالى ايتتى, دەپ حابارلايدى قازاقپارات.
ەسكە سالساق, قالا ەكٸمٸ باقىتجان ساعىنتاەۆ 2020 جىلدىڭ سوڭىنا دەيٸن قالا بويىنشا بارلىق كٶشەلەرگە جارىق شامدارىن ورناتۋدى تاپسىرعان بولاتىن.
«قالا ەكٸمٸنٸڭ تاپسىرمالارىن ورىنداۋ ماقساتىندا بٸز بىلتىر كٶشەلەردٸ ارالاپ, تەكسەرۋ جۇمىستارىن جٷرگٸزدٸك. نەتيجەسٸندە جارىعى جوق بٸراز كٶشە انىقتالدى. ٶتكەن جىلى بٸز 19 كٶشەگە 1084 جارىق نٷكتەسٸن ورناتتىق», - دەدٸ سۇلتانبەك مەكەجانوۆ.
سونىمەن قاتار, ول ەكٸنشٸ كەزەڭدە ب.ساعىنتاەۆتىڭ تاپسىرماسى بويىنشا بيىل 279 كٶشە مەن 27 اۋلاعا 6200 جارىق شامىن ورناتۋ جوسپاردا ەكەنٸن ايتتى.
ونىڭ ايتۋىنشا, جارىقتاندىرۋدان بٶلەك, ولاردى جٶندەۋ جۇمىستارى جىل سوڭىنا دەيٸن تولىعىمەن اياقتالادى.
