Foto: videodan alynǵan skrin
Almatynyń Medeý aýdanyndaǵy «Geolog» baǵbandyq seriktestiginiń aýmaǵynda órt shyqty. Qazirgi ýaqytta qalanyń órt sóndirý qyzmeti qyzyl jalyndy sóndirip jatyr, dep habarlaidy Tótenshe jaǵdailar departamenti.
Tótenshe jaǵdailar departamentiniń málimetinshe, oqiǵa ornyna jetken órt sóndirýshiler eki ǵimarattyń, úsh jeńil avtokóliktiń jáne qurylys qaldyqtarynyń órtenip jatqanyn anyqtaǵan. Qyzmetkerler dereý órt sóndirý stanoktaryn paidalanyp, jalyndy aýyzdyqtaýǵa kirisken.
— Órttiń ári qarai taralýyna jol bermeý úshin barlyq qajetti shara qabyldandy. Sý úzdiksiz jetkizilýi úshin qyzmetterdiń ózara árekettestigi uiymdastyrylǵan, - delingen habarlamada.
TJM kúshteri órtti oqshaýlap úlgerdi. Qazirgi ýaqytta órtti tolyq sóndirý jumystary jalǵasyp jatyr.
Oqiǵa ornynda 1949 jyly týǵan er adam meditsinalyq kómekke júgindi. Ony jedel meditsinalyq járdem brigadasy qarap shyqqannan keiin №4 qalalyq klinikalyq aýrýhanaǵa jetkizdi.
