Almatynyń ortalyǵynda qarý ustaǵan eki er adam ustaldy, dep habarlaidy QazAqparat.
Almaty qalalyq politsiia departamentiniń málimetinshe, tártip saqshylary qarýly 38 jáne 35 jastaǵy er adamdy ustady.
Olardyń qarý-jaraq dúkenderin tonaýǵa qatysqany belgili boldy.
«Kúdiktilerdi Kriminaldyq politsiia basqarmasynyń qyzmetkerleri jedel-izdestirý is-sharalary barysynda Raiymbek dańǵyly men Baizaqov kóshesiniń qiylysynda ustady. Olardan qarý-jaraq dúkeninen tártipsizdik kezinde urlanǵan «SM12 steyr mannlicher austria» markaly eki ańshy myltyǵyn tárkiledi. Belgili bolǵandai, 38 jastaǵy M.esimdi azamat jáne 35 jastaǵy R.esimdi azamat Almaty oblysynan kelgen», - dep habarlady politsiiadan.
Qarý men oq-dárilerdi urlaý faktisi boiynsha QR QK-niń 291-baby 3-bóligine sáikes qylmystyq is tergelýde.
Qarý tárkilendi. Kúdiktiler qamaýǵa alyndy.
