© Sputnik / Timýr Batyrshin
Almatynyń temirjol vokzaldary Qazaqstan temir jolyna qaitarylady. Bul týraly Túrksib aýdanynyń turǵyndarymen kezdesýde Almaty ákimi Erbolat Dosaev aitty, dep habarlaidy Sputnik Qazaqstan.
Turǵyndar megapolistegi Almaty-1 vokzalynyń ainalasyndaǵy kólik keptelisi problemasyn kóterdi. Aýdan turǵyndarynyń biri Túrksibtiń bir ǵasyrlyq tarihy týraly aita kele, Almaty-1 vokzalynyń mańyna eskertkish parovoz qoiýdy usyndy.
"Bizdiń aýdan osy áigili temirjoldyń atymen atalatyny belgili. Sondyqtan biz onyń júz jyldyǵyna orai Túrksib zamanyndaǵy Almaty-1 vokzalynyń aldyna parovoz qoiǵymyz keledi. Aýdan ákimdigimen kelissózder júrgizildi, olar qarsy emes. Osy máseleni qarastyryp, ruqsat berýińizdi suraimyz", - dedi qala turǵyny.
Eki vokzal da kólik infraqurylymynyń óte mańyzdy júiesi ekenin aitqan Dosaev Almaty-1 vokzalynyń mańyndaǵy aýmaqty retke keltiretinin jetkizdi.
"Avtoturaq alańymen jabdyqtaýǵa bolatyn jeke aýmaq bar. Men jer qatynastary basqarmasyna bul jumystardy saralaýdy tapsyrdym. Biz aýmaqty kólik keptelisinen bosatý úshin kóp deńgeili parkingter salýdy josparlap otyrmyz. Al sol jaqqa ketetin kóshe qiylysy boiynsha qalalyq mobildi basqarmasyna máseleni sheshý týraly tapsyrma berildi", - dedi Erbolat Dosaev.
Almaty ákimi eki vokzaldy da "Qazaqstan temir joly" ulttyq kompaniiasyna qaitarý týraly sheshim qabyldanǵanyn habarlady. Olar vokzal mańyna jóndeý jasaýdy josparlap otyr, bul aýmaqty damytýǵa qarajat salýǵa nietti.
"Túrksibtiń júz jyldyǵyna qatysty máseleni qarastyraiyq. Ákimderge jáne qalalyq komissiiaǵa tapsyrmalar beremin. 2023 jyly Túrksib aýdanyna 85 jyl tolady, osyǵan orai is-sharalar uiymdastyrylady. Máslihat óz jumysyn bastaǵannan keiin biz oǵan biyl Túrksib aýdanynyń barlyq ózekti máselelerin sheshý týraly ótinishpen júginemiz", – dep tolyqtyrdy shahar basshysy.
