Almatyda karantinniń engizilýine bailanysty qalalyq Politsiia departamentinde Call-ortalyq quryldy. Jedel jelige bir táýlik ishinde 4 myńnan asa qońyraý túsken, dep habarlaidy "Ult aqparat".
«Bir táýlikte 4 myńnan astam adam kóp arnaly nómirge qońyraý shaldy. Olardyń kópshiligin Almaty qalasynan karantindik aimaqtyń perimetri boiynsha ótkizý pýnktterinen kirip-shyǵý máselesi alańdatty. Keibir qońyraý shalýshylarǵa keńes pen qoldaý qajet boldy. Árine, politsiianyń qyzmetine qatysy joq máseleler de boldy. Múmkindiginshe politsiia qyzmetkerleri olarǵa da saýatty jaýap berýge tyrysty. Aldyn ala taldaý nátijeleri boiynsha, alǵashqy 2-3 kúnde senim telefonyna kóptegen qońyraýlar túsedi. Azamattardy qyzyqtyratyn suraqtarǵa jedel jaýap berý óte mańyzdy», - dedi Politsiia departamentiniń resmi ókili Saltanat Ázirbek.
Sonymen birge, politsiia Call-ortalyqqa psihologtar men politsiianyń saptyq emes bólimsheleriniń qyzmetkerlerin jumyldyrǵan.
