Almatyda bas shyrsha 18 jeltoqsanda, Táýelsizdik kúninen keiin jaǵylatyn boldy, dep habarlaidy "Ult aqparat".
Qalalyq ákimdiktiń baspasóz qyzmetinen habarlaǵandai, qalany jańajyldyq árleýde ulttyq naqyshtaǵy elementter qoldanylady.
«Qalany jańajyldyq bezendirý jumystary Qazaqstan Respýblikasy Táýelsizdigi kúninen soń 18 jeltoqsanda bastalady. Jańajyldyq bas shyrsha 18 jeltoqsanda jaǵylady. Ótken jyldaǵy bezendirý buiymdary biyl da qoldanylatyn bolady. Alaida qala turǵyndary arasynda urlaý, tonaý jii kezdesedi. shyrshadaǵy oiynshyqtar, shaǵyn arhitektýralyq pishinderdi, konstrýktsiialardy buzý, syndyrý jii kezdesedi.Sondyqtan kóptegen buiymdar jaramsyz bolyp qalady», - dedi ákimdikten.
Dástúr boiynsha jańajyldyq bezendirýge kásiporyndar arasynda baiqaý júrgiziledi. Baiqaýǵa kásiporyndar, mektepter, JOO, aýrýhanalar qatysatyn bolady.
Aita ketý kerek, QR Táýelsizdigi kúni qarsańynda 15 jeltoqsanda Respýblika saraiynda Abai atyndaǵy memlekettik akademiialyq opera jáne balet teatrynda merekelik kontsertter ótedi.
16 jeltoqsanda N.Tilendiev atyndaǵy memorialdyq mýzeide ashyq esik kúnderi uiymdastyrylady.
Osy kúni Almaty mýzeiinde «Almaty - táýelsizdiktiń altyn besigi» kórmesi ótedi.
Basty meiram 16 jeltoqsan kúni Astana alańynda merekelik otshashýmen aiaqtalady.
Sonymen qatar, mereke qarsańynda «Almaty jastary» baǵdarlamasy boiynsha jastarǵa baspana kilti tabystalady.
16-17 jeltoqsanda «Táýelsizdik» monýmenti men «Táýelsizdik Tańy» monýmentine gúl shoqtaryn qoiý rásimi ótedi.
