«Omikron» shtamy jaqyn arada «deltany» yǵystyratyn bolady. Bul týraly Almaty qalasynyń bas sanitarlyq dárigeri Qarlyǵash Ábdijabbarova onlain brifing barysynda málim etti, dep habarlaidy QazAqparat.
«Koronavirýstyń jańadan paida bolǵan «omikron» shtamy halyq arasynda kóp taraidy jáne jaqyn arada «deltany» yǵystyrady», -deidi ol.
Almatynyń bas sanitarlyq dárigeri ujymdyq immýnitettiń qajetti deńgeiine jetý úshin vaktsina alý kerektigin eskertti.
«Almatyda koronavirýsqa qarsy immýndyq qabat jetkiliksiz jáne shamamen 60%-dy quraidy (vaktsinatsiialanǵandardyń 51,3% + sońǵy jyly aýyryp aýyrǵandardyń 8,2%)», - deidi spiker.
Qarlyǵash Ábdijabbarova alǵashqy immýnizatsiiadan ótken azamattardy revaktsinatsiiaǵa kelýge shaqyrdy.
«Álemniń jetekshi ǵalymdary men sarapshylarynyń derekteri boiynsha, qoldanystaǵy vaktsinalarmen revaktsinatsiia «omikron» shtamymen infektsiia kezinde asqynǵan jáne ólim jaǵdailaryn aýrýhanaǵa jatqyzýdan 70%-ǵa qorǵaidy. Men vaktsinatsiialanbaǵan azamattardy ekinshi komponentti alǵannan keiin 6 aidan keiin qaita vaktsinatsiialaýǵa shaqyramyn. Bul kezeńde qalanyń barlyq turǵyndaryna shekteý sharalarynyń talaptaryn qatań saqtaý, qoǵamdyq oryndarda áleýmettik qashyqtyq pen betperde rejimin saqtaý óte mańyzdy», - deidi Qarlyǵash Ábdijabbarova.
Spiker 20-30 jas aralyǵyndaǵy jas turǵyndar úshin «omikron» shtamy qaýipti ekenin tilge tiek etti.
Onyń aitýynsha, virýstyń bul nusqasy erekshe jáne osy jastaǵylarǵa áser etedi.
«Koronavirýsty juqtyrǵandardyń úlesi 20 jastan 40 jasqa deiingi adamdar arasynda 16,4%-ǵa, jasóspirimder arasynda 1,1%-ǵa kúrt ósti, bul omikron shtamyna da tán», -dedi ol.
