Almaty ákimdigi qalanyń birqatar kóshelerinde jaryq shamdary durys jumys istemeýi múmkin ekendigin eskertti, dep habarlaidy "Ult aqparat".
«Qyrkúiek aiynan bastap MJÁ baǵdarlamasy aiasynda qalanyń 7 negizgi kóshesinde (Súiinbai dańǵyly, T.Rysqulov dańǵyly, Raiymbek dańǵyly, B.Mailin kóshesi, S.Seifýllin kóshesi, Hmelnitskii jáne T.Jarokov kósheleri) syrtqy jaryqtandyrý júiesine modernizatsiialaý jumystary júrgizildi. Búgingi tańda qurylys-montaj jumystary 90% aiaqtaldy. Joǵaryda atalǵan kóshelerde jaryqtandyrý testileý rejiminde jumys isteidi, paidalanýǵa berý jumystary júrgizilýde. Osyǵan bailanysty jaryqtandyrý qurylǵylary durys jumys istemei qalýy múmkin», - dep habarlaidy Almaty qalasynyń Energotiimdilik jáne infraqurylymdyq damý basqarmasynyń ókili.
Basqarmasy ókilderi turǵyndardan jaryq qurylǵylarynyń durys jumys istemei turǵanyn baiqasa «Almaty Qala Jaryq» servis uiymynyń dispetcherlik qyzmetine habarlasýyn suraidy.
