Almaty qalasynyń bas imamy halyqqa dini joralǵylar boiynsha ótetin jiyndar men toilardy ýaqytsha toqtatýǵa keńes berdi, dep habarlaidy "Ult aqparat".
«Saqtansań – Qudai saqtaidy. Adam kóp shoǵyrlanatyn jerlerge barmaǵan durys. Dástúrli sharalarymyzdy da múmkindik bolsa keiinge qaldyrǵanymyz jón. Toi, as, qonaq asy, sadaqalarymyz bar, oǵan shariǵat eshqandai tiym salmaidy. 40 kúnine berilmese de, osy jaǵdaiǵa bailanysty keiin berse, Allanyń quzyrynda ol qabyl bolady. Sondyqtan, menińshe, azamattar buǵan qulaq asý kerek», – dedi Almaty qalasynyń bas imamy Erkinbek Shoqai koronavirýs taqyrybyna arnalǵan brifing barysynda.
Sondai - aq, ol koronavirýs indetiniń taralýy barsha álemdi alańdatyp otyrǵan basty másele ekenin atap ótti.
Buǵan deiin, óńirlik provizorlyq statsionardyń 1 A sanatyna – 131 azamat, 1 V boiynsha – 119 adam, 2-kategoriia boiynsha - 955 jáne 3-kategoriia boiynsha 1632 adam baqylaýǵa alynǵany týraly jazǵan bolatynbyz.
