Qaznet qoldanýshylary Almaty mańynda áskeri tehnikamen qorǵalatyn blokpostar qoiylatyny týraly habar taratyp jatyr, dep habarlaidy Stopfake.kz.
Buǵan dálel retinde bronetransporterlerdi tasymaldaý barysy túsirilgen beinerolik usynylyp otyr. Bul jaǵdaiǵa qatysty QR Qorǵanys ministrligi túsinikteme berdi.
Qazirgi ýaqytta Almatynyń ainalasynda blokpostar joq. Videoǵa túsirilgen áskeri tehnikanyń karantin shekteýlerine eshqandai qatysy joq.
– Bul 5 tamyzda bolǵan. Tehnikany Almatydaǵy Gvardeisk qalasynan josparly jóndeý jumystarynan keiin áskeri bólimge turaqty ornalastyrý ornyna alyp keldi, – dep habarlady QR Qorǵanys ministrliginiń baspasóz qyzmetinen.
Qazaqstandyqtar qalalardy jabý týraly qaýesetti buǵan deiin de taratqan. Mundai feikterdi biz buǵan deiin de joqqa shyǵarǵan bolatynbyz.
