Foto: Pixabay
Almatynyń aiazy jarty ǵasyr burynǵy rekordty qaitalady. Mundai jaǵdai 54 jyl buryn bolǵan, - dep habarlaidy Tengrinews.kz saity.
Sinoptikterdiń málimetinshe, 12 qańtarda túnde Almatyda eki temperatýralyq rekord tirkelgen.
"Minimým temperatýra "Shymbulaqta" tirkeldi. Ol jerde aýa temperatýrasy -27,8 gradýsqa deiin jetti. Buǵan deiin qańtardaǵy aiaz 1969 jyly tirkelgen bolatyn, shamamen -27 gradýs.
Sonymen qatar, "Myńjylqy" meteostantsiiasynda temperatýra rekordy tirkeldi. Buǵan deiin ol aimaqta qańtarda -32 gradýs tirkelse, 12 qańtarda -32,4 gradýs boldy", - deidi Almaty jáne Almaty oblysy boiynsha Qazgidromet filialynyń jetekshi injener-sinoptigi Dáýlet Qisebaev.
Onyń sózinshe, biyl Almatyda qańtar salystyrmaly túrde aiaz qatty.
