Almatyda aqpan aiynyń sońyna deiin aýa-raiynyń qubylmalylyǵy, qar aralas jaýyn-shashynnyń túsýi, aiaz, tuman, kóktaiǵaq kútilýde, dep habarlaidy QazAqparat.
Osyǵan bailanysty Almaty qalasynyń tótenshe jaǵdailar departamenti almatylyqtarǵa jolda muqiiat bolýǵa shaqyrdy.
«112 sms habarlamalaryna muqiiat qaraýdy, avtokólik júrgizý kezinde saqtyq sharalaryn saqtaýdy, jyldamdyqty azaitýdy, qashyqtyqty saqtaýdy, kenetten manevrler men tejelýlerden aýlaq bolýdy suraimyz.
Joldyń júrý bóliginde jáne trotýarlarda kóktaiǵaq paida bolǵanda jaiaý júrginshiler saq bolý kerek, ásirese baspaldaqtardan tómen túsý jáne kóterilý kezinde.
Qymbatty Almatylyqtar – sál shydamdylyq tanytaiyq, jaqyn arada bizdiń súiikti qalamyzda kópten kútken uzaq jáne jyly kezeń bolatynyn umytpańyzdar!
Jaqyndaryńyzben jáne óz densaýlyqtaryńyzǵa abai bolyńyzda», - delingen habarlamada.
