Baqytjan Saǵyntaev halyqpen onlain formattaǵy eseptik kezdesýde turǵyndarynyń suraqtaryna jaýap berdi. Kezdesý barysynda 1308 nómirli biryńǵai arna jumys istedi. Turǵyndar azyq-túlik baǵalary boiynsha kóptep suraq qoidy, dep habarlaidy "Ult aqparat".
Qalanyń basty maqsatynyń biri – shahardyń azyq-túlik qaýipsizdigin qamtamasyz etý jáne áleýmettik mańyzy bar azyq-túlik taýarlarynyń baǵasyn ustap turý.
Almatyda suranysy joǵary azyq-túlik túrlerin (qaraqumyq jarmasy, kespe ónimderi, kúnbaǵys maiy, kúrish jarmasy, qant, airan, mai, sút, súzbe, taýyq eti, áleýmettik nan) baǵasyn turaqtandyrý boiynsha sharalar qabyldandy.
Ótken jyldyń kúrdeli kezeńine qaramastan, qalalyq biýdjetten 7 mlrd teńge bólinip, áleýmettik mańyzy bar ónimderdiń qory jasaldy.
«Byltyr biz biýdjetten 7 mlrd teńge bólip, áleýmettik mańyzy bar azyq-túlik taýarlarynyń qoryn qurdyq. Almatyda saýda nysandaryndaǵy áleýmettik mańyzy bar azyq-túlik taýarlarynyń bekitilgen tizbesiniń 19 túriniń 18 túriniń quny saralandy. Qazaqstan boiynsha eń tómengi baǵa bizde. Eger biz bul jumysty júrgizbegende, baǵa odan ári sharyqtaǵan bolar edi», - dedi ákim.
Ol jumyrtqa baǵasyna qatysty qoiylǵan suraqqa Almatyda ǵana emes, jalpy Qazaqstanda, tipti BAQ málimetteri boiynsha Reseide de jumyrtqa baǵasynyń ósip ketkenin aitty.
Sarapshylardyń pikirinshe, bul baǵalardyń maýsymdyq ósýi, óitkeni qus azyǵy, dándi jáne maily daqyldardyń qymbattaǵan ári birqatar qus fabrikalarynda ónim tómendegen.
Sonymen qatar, Qalanyń alty iri azyq-túlik bazarynda áleýmettik mańyzy bar azyq-túlik ónimderin belgilengen baǵamen satý úshin áleýmettik dúkender ashyldy.
Áleýmettik dúkenderdegi azyq-túlik baǵasy naryqtaǵy ortasha deńgeiden 20-30% tómen.
Bazarlardyń mekenjaiy:
- Kókbazar, Jibek Joly 53;
- Tastaq, Tólebi, 266
- Almaty - 1, Sholohov kóshesi 2/1
- Taýsamaly, Taýsamaly - 1
- Jańa Aqbulaq, Rozybakiev kóshesi 33/1
- Saryarqa, 4 yqshamaýday 27 b
Baǵa ózgerisin qalanyń azyq-túlik ónimderiniń qaýipsizdigi www.almatyazyk.kz veb-saitynan baqylaýǵa bolady.
Belgilengen baǵa: Qartop – 150 teńge, sábiz – 145 teńge, piiaz – 85 teńge, qyryqqabat – 75 teńge, qant – 249 teńge, qaraqumyq jarmasy – 349 teńge, kúnbaǵys maiy (№1 Maizaýyty) – 655 teńge,kúnbaǵys maiy (Maiskoe) – 573 teńgeden, kúrish jarmasy (Lider, Kamolino) – 275 teńge,ólshemdi kespe túrleri – 199 teńgeden, birinshi surypty un (Aqsarai 2 kg) – 409 tegenden satylady.
