Foto: Pexels.com
Almaty aldaǵy bes jylda aitarlyqtai ózgermek. Qalalyq Ekonomika basqarmasynyń basshysy Baýyrjan Qudaibergenov shahardyń 2030 jylǵa deiingi keshendi damý josparyn jariialady, dep habarlaidy Ult.kz.
Jospar jeti negizgi baǵytty qamtidy: ekonomikalyq ósim, kólik infraqurylymyn damytý, jaily ári qolaily qalalyq orta qalyptastyrý, áleýmettik turaqtylyq, ekologiiany jaqsartý, tsifrlyq transformatsiia jáne qaýipsizdik.
Ekonomikalyq maqsattar:
2030 jylǵa qarai Almatynyń jalpy óńirlik ónimi eki ese ulǵaiyp, qalaǵa tartylatyn investitsiia kólemi 7 trln teńgege deiin jetpek. Shaǵyn jáne orta biznestiń úlesi 65 paiyzǵa deiin artady dep josparlanyp otyr. Týrizm salasyna jáne Indýstriialyq aimaqty keńeitýge erekshe basymdyq beriledi.
Taý klasteri:
Taýly aimaqta jaiaý júrginshiler baǵyttary jańartylyp, aspaly joldar keńeitiledi. Taý shańǵysy infraqurylymynyń kólemi bes esege ósedi. Sondai-aq 7 myńnan astam nómiri bar shamamen 60 jańa qonaqjai nysany salynady.
Kólik infraqurylymy:
Josparǵa metro baǵytyn uzartý, LRT jobasyn iske qosý, jańa BRT jelilerin qurý jáne jol salý jumystary kiredi. Bul qaladaǵy táýliktik jolaýshylar legin 3 million adamǵa deiin ulǵaitýǵa múmkindik beredi.
Qalalyq orta jáne áleýmettik sala:
Almaty poliortalyqtyq damý modeline kóshedi. Qala aýdandarynda jańa qoǵamdyq keńistikter paida bolady. Áleýmettik salada mektepter men balabaqshalar, meditsinalyq mekemeler, mádeniet jáne sport nysandary jańǵyrtylyp, halyqqa qoljetimdiligi arttyrylady.
Bul josparlar Almatynyń ómir súrýge jaily, zamanaýi jáne halyqaralyq deńgeide básekege qabiletti qalaǵa ainalýyna baǵyttalǵan.
