Almatylyqtar 1986 jylǵy Jeltoqsan oqiǵasynyń qurbandaryn eske alyp, rýhtaryna taǵzym etti, - dep habarlaidy «Ult aqparat».
Búgin «Táýelsizdik tańy» monýmentine memleket qairatkerleri, Almaty ákimi Baqytjan Saǵyntaev, Jeltoqsan oqiǵasyna qatysýshylar jáne jastar uiymdarynyń músheleri gúl shoqtaryn qoidy.
Sodan keiin jinalǵandar bir minýt únsizdikpen qaza bolǵandardy eske aldy. Jeltoqsan oqiǵasynyń qurbandaryna arnap Quran baǵyshtalyp, as berildi.
Aita keteiik, keshe,16 jeltoqsan kúni Qazaqstan Táýelsizdiginiń 28 jyldyǵyna orai qaladaǵy Táýelsizdik monýmentine qala basshylyǵy, 1986 jylǵy Jeltoqsan oqiǵasyna qatysýshylar, ardagerler keńesi, saiasi partiialar men qoǵamdyq jáne jastar uiymdary, qala turǵyndary áskeri-úrlemeli orkestrdiń mýzykalyq súiemeldeýimen Respýblika alańyndaǵy táýelsizdiktiń basty simvolyna gúl shoqtaryn qoiǵan bolatyn.
