Almaty ákimi Baqytjan Saǵyntaev bastaǵan qala jurtshylyǵy Táýelsizdik monýmentine gúl shoqtaryn qoidy, dep habarlaidy "Ult aqparat".
Táýelsizdiktiń 29 jyldyǵyna orai Respýblika alańynda koronavirýs pandemiiasyna bailanysty 100 adam shamasynda ǵana halyq jinaldy.
Saltanatty shara áskeri úrmeli aspaptar orkestriniń súiemeldeýimen ótti.
Almaty ákiminen bólek, Táýelsizdik monýmentine gúl shoqtaryn qoiýǵa ardagerler keńesi, saiasi partiialar músheleri, 1986 jylǵy jeltoqsan oqiǵasynyń qatysýshylary, jastar uiymynyń ókilderi, úkimettik emes uiymdardyń ókilderi keldi.
Alańda Almaty óńirlik garnizonynyń áskeri qyzmetshileri saltanatty sap túzedi.
Táýelsizdik monýmenti QR Tuńǵysha Prezidenti Nursultan Nazarbaevtyń jarlyǵymen 1996 jyly 16 jeltoqsanda ashyldy. Bul mádeni nysandy jasaýǵa atsalysqan topty belgili sáýletshi, Shota Ýálihanov basqarǵan bolatyn.
