Almatyda balabaqshaǵa barýshylar sany 30 paiyzǵa azaiyp ketken, - dep habarlaidy Tengrinews.kz tilshisi qalalyq bilim basqarmasyna silteme jasap.
"Balabaqshalarǵa kelýshiler sany azaidy, bul birinshi kezekte demalys kezeńimen bailanysty, osy ýaqytta únemi kelýshiler sany azaiady. Ekinshisi, ata-analardyń meningitke qatysty qorqynyshyna bailanysty. Balabaqshadaǵy balalar sany 30 paiyzǵa azaiyp ketti", - deidi Almatynyń Bilim basqarmasy mektepke deiingi tárbie bóliminiń jetekshisi Áliia Saǵieva.
2018 jyldyń 18 mamyrynda meningokokk infektsiiasynan bes jastaǵy bala kóz jumǵan edi.
"Biz mektepke deiingi mekemelerdiń barlyq qyzmetkerin jinap, nusqaý berdik. Sanitarlyq dárigerler birden sanitarly óńdeý júrgizdi. Saraptamalar alyndy, barlyq qyzmetker men bala tekserildi", - deidi ol.
Bilim basqarmasynyń ókilderi barlyq balabaqshada kvartsteý, aýany tazartý, jýý zattarymen óńdeý siiaqty sanitarlyq jumystar únemi júrgizilip turatynyn málimdedi.
2 maýsymda ekinshi balanyń kóz jumǵany belgili boldy. Eki oqiǵada da aýrý oshaǵy balabaqshada bolmaǵany aitylyp otyr.
"Qazir barlyq balabaqshada qatań sanitarlyq súzgi ornatyldy. Balalardyń barlyǵyn qabyldar kezde qyzýyn ólsheidi, tamaǵy men terisin qaraidy. Balanyń qandaida bir shaǵymdary bolsa, birden ata-anasy men jedel járdem shaqyrady", - deidi Saǵieva.
Pedagogtar ata-analarǵa balalarymen birge adam kóptep jinalatyn oryndarǵa barmaýǵa keńes beriledi, ásirese, basseinderge. Ózdiginen em jasamai birden dárigerdiń kómegine júginý qajettigi aityldy.
