Almaty turǵyndary úidiń aýlasyndaǵy qurylysqa qarsy. Belsendiler Qyzyl kitapqa engen emen men basqa aǵashtardy kópqabatty turǵyn úi keshenin salý úshin kesip tastaýlary múmkin degen boljam jasady, dep habarlaidy "Ult aqparat".
№1 shaǵynaýdanyndaǵy №77 úidiń janyndaǵy avtoturaqtyń ornyna kópqabatty turǵyn úi keshenin salmaqshy. Qurylys jumystaryn júrgizý úshin Qyzyl kitapqa engen emen men basqa aǵashtardy otap tastaýlary múmkin. Qazirdiń ózinde merdiger kompaniia Sain kóshesi boiyndaǵy aǵash butalary men kógaldy joiyp jiberdi», - dep jazady almatylyqtar Facebook-te.
Qalalyq jasyl ekonomika basqarmasynyń baspasóz qyzmeti turǵyndardyń shaǵymyna jaýap berdi.
«Bizdiń mamandar atalǵan mekenjaiǵa bardy. Emenderdi kesý faktisi rastalmady. Sanitarlyq kesý de júrgizilmegen. Sonymen qatar, Almaty qalalyq jasyl ekonomika basqarmasyna aǵashtardyń kesilýi týraly shaǵym túsken joq», - dep jaýap berdi basqarmadaǵylar.
