Jelide sońǵy kúnderi gúl saýdasy qyzý júrgen oryndardyń qoqys úiindisine ainalǵany túsirilgen video tarady. Beinejazba Instagram-daǵy almaty_kris_p paraqshasynda jariialandy, - dep habarlaidy Tengrinews.kz.
"8 naýryzdan keiin. "Domillion" SO mańy. Olar barlyq gúlderin satty da qoqystaryn tazalamai ketip qaldy. Olardyń qoqystaryn kim tazartady? Bul ne sumdyq?"- delingen videonyń sipattamasynda.
Jeli qoldanýshylary da gúl satýshylar qaldyrǵan qoqysqa narazy boldy.
Sain kóshesindegi ýaqytsha saýdaǵa qatysty jaǵdaiǵa Almaty qalasy Alataý aýdany ákimdigi pikir bildirdi.
"Almaty qalasynyń kásipkerlik jáne investitsiialar basqarmasy stihiialyq saýda oryndaryn boldyrmaý maqsatynda 2023 jylǵy 6,7 jáne 8 naýryzda Halyqaralyq áielder kúnin merekeleý kezeńinde ýaqytsha saýda oryndaryn bekitti. Sonymen qatar, 9 naýryzda Ýaqytsha saýda oryndaryna sanitarlyq tazartý jumystary júrgizildi, atalǵan eskertýler joiyldy. Óz tarapymyzdan turǵyndardy qoqys tastamaýǵa jáne qalamyzdy taza ustaýǵa shaqyramyz", - dep habarlady Alataý aýdanynyń ákimdigi.
