Almaty ákimi Erbolat Dosaev jylytý maýsymyna daiyndyq barysymen tanysty, dep habarlaidy QazAqparat.
Jumys sapary barysynda qala basshysy Erbolat Dosaev qazandyqtarda, JEO-2-de boldy jáne Almaty ákimdigi basqarmalary men kommýnaldyq kásiporyndar basshylarynyń qatysýymen megapolisti jylytý maýsymyna daiyndaý máselesi boiynsha kóshpeli keńes ótkizdi.
Alǵashqy obekt Bostandyq aýdanynda ornalasqan Ońtústik aýdandyq qazandyq boldy.
Erbolat Dosaev 200 myń tutynýshyny qamti otyryp, qalanyń ońtústik aýdanynda qazandyq qýatyn arttyrýǵa jáne energiia tapshylyǵyn jabýǵa múmkindik beretin iri jylý magistralin qaita qurý barysymen tanysty.
Qala ákimi jelilik sorǵylar men №2 qazandyq boiynsha aiaqtalmaǵan jumystary jóninde eskertý berdi, energetika jáne sýmen jabdyqtaý basqarmasy jylý berý maýsymy bastalǵanǵa deiin jumysty aiaqtaýy qajet.
Erbolat Dosaev aýdandaǵy jańa turǵyn úi qurylysyna bailanysty qýattyń artýyna bailanysty Ońtústik aýdandyq qazandyqty keńeitýdi qarastyrýdy tapsyrdy.
Almaty ákimine «Premera» qazandyǵyn keńeitý jumystarynyń barysy týraly baiandaldy.
Joba 5 qazandyq pen qosalqy jabdyqty ornatýmen jańa ǵimarattyń qurylysyn qarastyrady.
Qala basshysy jylý jelilerin gidrosynaý jáne jóndeý jumystary boiynsha barlyq jumystardy aǵymdaǵy jyldyń 25 qyrkúiegine deiin júrgizýdi tapsyrdy.
Jalpy, eki qazandyqtaǵy qurylys jumystaryn kelesi jyldyń shilde aiynda aiaqtaý josparlanyp otyr.
Nátijesinde, qalada jylý energiiasynyń kólemi edáýir artady, eski qubyrlardy aýystyrý ondaǵan jyldar boiy apat qaýpin boldyrmaidy.
Jumys sapary barysynda injenerlik jelilerdiń tozýy joǵary ekendigi aityldy, onyń ishinde elektrmen jabdyqtaý 65%, jylýmen jabdyqtaý 60%, sýmen jabdyqtaý 55,8% jáne gazben jabdyqtaý 36%.
Degenmen, injenerlik jelilerdiń tozýyn azaitý boiynsha barlyq qajetti is-sharalar júrgizilýde.
Osy baǵytta jyl saiyn 20 km jylýmen jabdyqtaý jelileri, 80 km elektrmen jabdyqtaý, 15 km sýmen jabdyqtaý, 20 km gazben jabdyqtaý rekonstrýktsiialanady jáne jóndeledi.
Qala basshysy Erbolat Dosaev qalanyń tynys-tirshiligin qamtamasyz etetin mańyzdy nysandardyń biri-JEO-2 boldy. Jylytý maýsymy qarsańynda kásiporynda energetikalyq generatsiialaý jabdyǵyna jóndeý júrgizilýde.
Nysandardy aralaǵannan keiin Almaty ákimi kóshpeli keńes ótkizip, onyń barysynda turǵyn úilerdiń, densaýlyq saqtaý jáne bilim berý nysandarynyń jylytý maýsymyna daiyndyǵy, sondai-aq tutynýshylardyń kommýnaldyq kásiporyndar aldyndaǵy debitorlyq qaryzyn baǵalaý týraly esepti tyńdady.
Qazirgi ýaqytta Almatyda kommýnaldyq qyzmetterge qaryz somasy - 3,2 mlrd teńge, negizgi boryshkerler - jeke tulǵalar.
Jalpy, aldaǵy jylytý maýsymyna daiyndyq belgilengen kestege sáikes júrip jatyr.
Almaty ákimi Erbolat Dosaev bul jumysqa turaqty baqylaýdy qamtamasyz etý jáne birinshi kezekte 31 tamyzǵa deiingi merzimde áleýmettik nysandardy qysqa daiyndaýdy aiaqtaý qajettigin atap ótti.
