1 naýryzdan bastap almatylyqtarǵa kólikti qaita tirkeý úshin qala syrtyna shyǵý qajet bolmaidy. Bul týraly «Azamattarǵa arnalǵan úkimet» memlekettik korporatsiiasy KEAQ málim etti, dep habarlaidy "Ult aqparat".
№1 mamandandyrylǵan HQKO-da (Saialy shaǵyn aýdany) kólik quraldaryn satyp alý-satýdy resimdeý boiynsha qyzmet kórsetken barlyq operator «Avtodom» avtokesheniniń ǵimaratyna kóshiriledi. Osyǵan bailanysty 27 aqpanda №1 mamandandyrylǵan HQKO qyzmet kórsetpeidi.
Osy jyldyń basynda «Avtodom» saýda ortalyǵynda shaǵyn burysh ashyldy, onda kólikti qaita tirkeý qyzmetin tek bir operator ǵana usynǵan bolatyn. Memlekettik korporatsiia bul buryshty keńeitip, avtoHQO-nyń tolyqqandy sektoryna ainaldyrý týraly sheshim qabyldady.
«Biz halyq eń kóp baratyn mamandandyrylǵan HQO júktemesin azaityp, almatylyqtar úshin qaita tirkeý qyzmetin yńǵaily jerden ala alatyndai etý mańyzdy boldy. Jańa lokatsiia qala syrtyna shyqpai-aq, satyp alynǵan mashinany qaita resimdeý protsesin jedeldetýge múmkindik beredi. Biz tirkeý bóliminiń 50 mamanyn osy sektorǵa kóshirýdi josparlap otyrmyz», – deidi Memlekettik korporatsiianyń basqarma tóraǵasy Ádil Qojyqov.
Pandemiiaǵa qaramastan, halyqqa qyzmet kórsetý ortalyqtary klientteriniń sany azaiǵan joq. Ótken jyly almatylyqtarǵa avtokólikterdi qaita tirkeý boiynsha 608 myń qyzmet kórsetildi, bul respýblika boiynsha kórsetilgen qyzmet kóleminiń 24%.
Saialy yqsham aýdanyndaǵy №1 mamandandyrylǵan HQO-da almatylyqtar burynǵydai júrgizýshi kýáligin resimdeýge bailanysty memlekettik qyzmetterdi alýdy jalǵastyrady. Atap aitqanda, teoriialyq, praktikalyq emtihandardy tapsyrý, júrgizýshi kýáligin joǵalýyna jáne merziminiń aiaqtalýyna bailanysty aýystyrý, qosymsha júrgizýshi kategoriiasyn alý jáne taǵy basqa qyzmetteri.
Esterińizge sala keteiik, azamattar avtoqyzmetterdi onlain túrde eGov.kz jáne kaspi.kz qosymshasy arqyly rásimdei alady.
