Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy
Aimaq

Almatylyqtar blogerlerdiń qymbat kýrstaryna aldanǵanyn aityp shaǵymdandy

Ult portaly
Almatylyqtar blogerlerdiń qymbat kýrstaryna aldanǵanyn aityp shaǵymdandy

Almaty.tv

Ondaǵan almatylyq eki tanymal qazaqstandyq blogerdi alaiaqtyq jasady dep aiyptap otyr, - dep habarlaidy Tengrinews.kz tilshisi Almaty.tv saityna silteme jasap.

Qala turǵyndary jańa mamandyq igerý úshin jarty million teńge tólegen. Alaida, kelisimshartqa sáikes, sabaq tolyq ótpegen. Endi bilim izdegender "aiaqtalmaǵan" oqýdyń aqshasyn qaitarýdy talap etip otyr. Aldanǵandardyń biri - jas almatylyq Erke Turly. Ol qymbat sabaqtardy nesie arqyly satyp alǵan.

"Kýrs 70 kúnge eseptelgen, biraq biz 40 kún ǵana oqydyq. Joba avtory ýádesin oryndamady. Biraq qanshama adam nesiege kýrs satyp aldy", - deidi Erke Turly.

Aiaqtalmaǵan kýrstardyń aqshasyn qaitarýdy 20 adam talap etip otyr. Ol úshin olar kompaniianyń keńsesine basyp kirdi.

"Bul Pro-land kompaniiasy. Oflain sabaǵy 500 myń teńge turady. Sabaq negizi 70 kún ótýi kerek bolatyn. Biraq 2 aiǵa tolmai, toqtap qaldy. Sabaq nege toqtap qalǵanyn eshkim túsindirgen joq. Ary qarai ne bolady? Biz aqshany qaitarýdy suradyq. Biraq olar habarlaspady, jaýap bermedi. Politsiia shaqyryp, aryz jazýǵa májbúr boldyq", - deidi taǵy bir qala turǵyny Ǵaziza Baidáýlet.

Pro-land keńsesiniń aldyna jinalǵandardyń aitýynsha, olardyń arasynda basqa blogerden zardap shekkender de bar. Adamdar kýrsta alynǵan aqparattyń tiimsiz ekenin jáne olardyń úmitin aqtamaitynyn aitty.

"Juldyz Aqbolat hanymnyń kýrsyn alyp otyrmyz, tegin vebinar dedi. Jaraidy dedik. Aqyry aqsha tabý úshin júrgen adam bolǵandyqtan. Biz siiaqty qanshama adam jylap otyr", - deidi qala turǵyny Zarina Mádibekova.

Al basy daýǵa qalǵan kompaniianyń zańgeri shaǵymdanýshy taraptyń aryzy orynsyz dep otyr. Sózinshe, bilim alýǵa bekingen azamattar tapsyrmany tolyq oryndamady deidi.

"Ol nishalaryna sai kelmeidi. Tabys tapqan joqpyz dep shaǵym aityp jatyr. Ózderiniń tarapynan ol kisiler tapsyrmalardy oryndaý kerek bolǵan. Kompaniianyń atynan jáne Juldyz hanymnyń atynan barlyq shart oryndaldy. Sabaqtyń bári saitta tur. Segiz modýldan turady", - deidi zańger Saltanat Dihanbaeva.

Telearnanyń málimetinshe, politsiia departamenti bul fakt boiynsha tekserý júrgizgen. Alaida tártip saqshylary bul azamattyq is bolǵandyqtan eshkimdi ustamady, sondyqtan daýdy sot arqyly sheshýdi usyndy.

Oqi otyryńyz