Almaty Ekologiialyq qoǵamy ókilderi qala ákimi Baqytjan Saǵyntaevqa Ortalyq saiabaqtaǵy gúlzardy qalpyna keltirýge ótinish bildirdi, dep habarlaidy "Ult aqparat".
Olardyń aitýynsha, qazir sol jerde ornalasqan eskertkish kópshiliktiń kóńilinen shyqpaidy.
«Byltyr kóktemde saiabaqty 80 jyl boiy árlendirip turǵan gúlzar súrilip tastaldy. Eshkim qoǵamdyq tyńdaý ótkizgen joq. Saiabaq basshylyǵy ótinishimizdi elemedi. Gúlzardyń ornyna túie men tyshqan sekildi janýarlardyń músini paida boldy. Bul músinder zoobaq territoriiasyna aýystyrylýyn suraimyz. Ornyna gúlzarymyz qaitarylsyn», - dedi áleýmettik jelide belsendiler.
Turǵyndardyń ótinishine qalalyq Jasyl ekonomika basqarmasy jaýap berdi.
«2018 jyly «Altyn Taraz» JShS Almaty qalalyq Ortalyq saiabaǵyn abattandyrý jumystaryn júrgizdi. Alleia ortalyǵynda «Táńiri kúntizbesi» jáne «Almaty myńjyldyq qala monetasy» músinderi paida boldy. Sonymen qatar, fýtbol, voleibol, basketbol alańdary, skaitpark, rollerdrom, Work Out aimaǵy jasaldy. Bul alańdar kópshilikke qoljetimdi. Kez kelgen adam sportpen ainalysa alady. 2019 jyly investor balalar qalashyǵy jaqty abattandyrýdy bastady. Ol jaqta sýburqaq qalpyna keltirilip, kespetastar ornatylady. Mýzykalyq aspaptar mýzykalyq baqta ornalastyrylatyn bolady. Bul jumystar 2020 jyldyń kókteminde aiaqtalady. Atalǵan investor mindetti túrde parkti kógaldandyryp, kópjyldyq, birjyldyq gúlderdi otyrǵyzatyn bolady», - dedi basqarmadan.
