Almatyda Bas memlekettik sanitar dárigerdiń qaýlysy boiynsha karantin kezinde oiyn alańdaryna, baý-baqshaǵa barý sharttary reglamentteldi, dep habarlaidy "Ult aqparat".
Qujatqa sáikes, halyqqa oiyn alańdary men aýlaǵa saǵat 5:00-den 21:00-ge deiin shyǵýǵa ruqsat etilgen. Balalardyń oiyn alańdary men aýla aýmaǵyna zalalsyzdandyrý jumystaryn PIK júrgizedi. Barlyq qoljetimdi jerlerde, eń aldymen habarlandyrý taqtalarynda karantin tártibin saqtaý sheńberinde talap etiletin jeke jáne zańdy tulǵalarǵa arnalǵan eskertýler ornatylady.
Almaty qalasynyń turǵyndary oiyn alańy men aýlaǵa shyǵyp, baý-baqsha, saiajaiǵa barǵan kezde 2 metrden kem emes áleýmettik qashyqtyqty saqtaýy tiis. Otbasy múshelerin qospaǵanda, úsh adamnan astam adamnyń jinalýyna tyiym salynyp, basqa turǵyndarmen fizikalyq qatynasty azaitýǵa, ózimen birge jeke qorǵaný quraldaryn alyp júrýge jáne kiiý erejelerin saqtaýǵa mindetteledi.
Al bul talaptardyń oryndalýyn quqyq qorǵaý organdarynyń qyzmetkerleri baqylaidy.
Aita ketý kerek, keshe Almaty qalasynyń bas sanitar dárigeri Jandarbek Bekshin QR Prezidenti Qasym-Jomart Toqaevtyń TJ rejimin uzartý týraly málimdemesinen soń jańa talaptardy jariialaǵan bolatyn.
