Foto: Almaty ákimdiginen
Almatylyqtar Abai oblysyna 300 keli gýmanitarlyq kómek jinady, - dep habarlaidy Tengrinews.kz saity.
ÓKQ brifinginde volonterler Almatyda Abai oblysyndaǵy órtten zardap shekkenderge bir táýlikte qansha kómek jinalǵanyn aitty. Jumysqa 30-ǵa jýyq iri volonterlik uiym jumyldyrylǵan.
Qazirgi ýaqytta 300 keli gýmanitarlyq kómek jinalǵan. Onyń ishinde 500 dana respiratorlyq maskany LIDER.kz erikti uiymy syiǵa tartqan. Sondai-aq dári-dármek, úige qajet zattar, jeke gigiena quraldary alynǵan.
"Abai oblysynda bolǵan oqiǵa eshkimdi beijai qaldyrmady. Osyǵan bailanysty Almaty qalasynyń volonterleri men volonterlik uiymdary birlesip gýmanitarlyq kómekti jinaýdy uiymdastyrdy. Basty qoldaýshylarymyz bolǵan bizdiń qamqor turǵyndar boldy. Kóptegen turǵyn bizge shyǵyp, kómek qolyn sozýǵa nietterin bildirdi. Qazirgi tańda Abai aýdanynyń jergilikti turǵyndarynyń arqasynda qajetti zattar tolyqtai qamtamasyz etildi. Biz Semei qalasyndaǵy bas shtabpen turaqty bailanystamyz jáne qosymsha qajetti zattardyń tizimin alamyz", - dedi Almaty qalasy boiynsha eriktiler front-keńsesiniń basshysy, "QAMQOR CHARITY" qoǵamdyq qorynyń tóraiymy Baǵdat Anarbaeva.
Eriktilerdiń aitýynsha, almatylyqtar gýmanitarlyq kómek jinaýda belsendilik tanytyp jatyr. Habarlandyrý jariialanǵan alǵashqy kúnnen bastap kóptegen qamqor turǵyndar eriktilerge júginip, kómekterin usynǵan. Kómek jinaýǵa eriktiler tarapynan "Qazaqstan volonterlar ligasy" Qoǵamdyq qory, QAMQOR CHARITY Qoǵamdyq qory, LIDER.kz, "Meditsinalyq jastar" ÚEU siiaqty qoǵamdyq uiymdar qatysady. Shtabta 20-dan astam volonter jumys isteidi.
Gýmanitarlyq kómek stantsiialarynyń jumysy 12 maýsymda bastaldy. Aita ketý kerek, eriktiler qarjylyq kómekti qabyldamaidy. Eń qajet ónimderdi (konserviler, makaron ónimderi jáne t.b.), bir ret qoldanylatyn ydys-aiaqtardy, qýattaǵyshtardy, jeke gigiena quraldaryn, sýlardy qabyldaidy.
"Qazir biz turǵyndar men kásipkerlerdi osy jumysqa tartý úshin aqparattyq jumystar júrgizip jatyrmyz. Jinalǵan alǵashqy kómekti osy aptanyń sońyna deiin jóneltýdi josparlap otyrmyz", - dep qosty Baǵdat Anarbaeva.
Gýmanitarlyq kómek retinde ne qajet ekenin bilýge, sondai-aq ony jinaýǵa volonter bola alasyz: +7 747 821 64 78, +7 747 540 01 40, +7 771 625 77 76.
