فوتو: الماتى ەكٸمدٸگٸنەن
الماتىلىقتار اباي وبلىسىنا 300 كەلٸ گۋمانيتارلىق كٶمەك جينادى, - دەپ حابارلايدى Tengrinews.kz سايتى.
ٶكق بريفينگٸندە ۆولونتەرلەر الماتىدا اباي وبلىسىنداعى ٶرتتەن زارداپ شەككەندەرگە بٸر تەۋلٸكتە قانشا كٶمەك جينالعانىن ايتتى. جۇمىسقا 30-عا جۋىق ٸرٸ ۆولونتەرلٸك ۇيىم جۇمىلدىرىلعان.
قازٸرگٸ ۋاقىتتا 300 كەلٸ گۋمانيتارلىق كٶمەك جينالعان. ونىڭ ٸشٸندە 500 دانا رەسپيراتورلىق ماسكانى LIDER.kz ەرٸكتٸ ۇيىمى سىيعا تارتقان. سونداي-اق دەرٸ-دەرمەك, ٷيگە قاجەت زاتتار, جەكە گيگيەنا قۇرالدارى الىنعان.
"اباي وبلىسىندا بولعان وقيعا ەشكٸمدٸ بەيجاي قالدىرمادى. وسىعان بايلانىستى الماتى قالاسىنىڭ ۆولونتەرلەرٸ مەن ۆولونتەرلٸك ۇيىمدارى بٸرلەسٸپ گۋمانيتارلىق كٶمەكتٸ جيناۋدى ۇيىمداستىردى. باستى قولداۋشىلارىمىز بولعان بٸزدٸڭ قامقور تۇرعىندار بولدى. كٶپتەگەن تۇرعىن بٸزگە شىعىپ, كٶمەك قولىن سوزۋعا نيەتتەرٸن بٸلدٸردٸ. قازٸرگٸ تاڭدا اباي اۋدانىنىڭ جەرگٸلٸكتٸ تۇرعىندارىنىڭ ارقاسىندا قاجەتتٸ زاتتار تولىقتاي قامتاماسىز ەتٸلدٸ. بٸز سەمەي قالاسىنداعى باس شتابپەن تۇراقتى بايلانىستامىز جەنە قوسىمشا قاجەتتٸ زاتتاردىڭ تٸزٸمٸن الامىز", - دەدٸ الماتى قالاسى بويىنشا ەرٸكتٸلەر فرونت-كەڭسەسٸنٸڭ باسشىسى, "QAMQOR CHARITY" قوعامدىق قورىنىڭ تٶرايىمى باعدات انارباەۆا.
ەرٸكتٸلەردٸڭ ايتۋىنشا, الماتىلىقتار گۋمانيتارلىق كٶمەك جيناۋدا بەلسەندٸلٸك تانىتىپ جاتىر. حابارلاندىرۋ جارييالانعان العاشقى كٷننەن باستاپ كٶپتەگەن قامقور تۇرعىندار ەرٸكتٸلەرگە جٷگٸنٸپ, كٶمەكتەرٸن ۇسىنعان. كٶمەك جيناۋعا ەرٸكتٸلەر تاراپىنان "قازاقستان ۆولونتەرلار ليگاسى" قوعامدىق قورى, QAMQOR CHARITY قوعامدىق قورى, LIDER.kz, "مەديتسينالىق جاستار" ٷەۇ سيياقتى قوعامدىق ۇيىمدار قاتىسادى. شتابتا 20-دان استام ۆولونتەر جۇمىس ٸستەيدٸ.
گۋمانيتارلىق كٶمەك ستانتسييالارىنىڭ جۇمىسى 12 ماۋسىمدا باستالدى. ايتا كەتۋ كەرەك, ەرٸكتٸلەر قارجىلىق كٶمەكتٸ قابىلدامايدى. ەڭ قاجەت ٶنٸمدەردٸ (كونسەرۆٸلەر, ماكارون ٶنٸمدەرٸ جەنە ت.ب.), بٸر رەت قولدانىلاتىن ىدىس-اياقتاردى, قۋاتتاعىشتاردى, جەكە گيگيەنا قۇرالدارىن, سۋلاردى قابىلدايدى.
"قازٸر بٸز تۇرعىندار مەن كەسٸپكەرلەردٸ وسى جۇمىسقا تارتۋ ٷشٸن اقپاراتتىق جۇمىستار جٷرگٸزٸپ جاتىرمىز. جينالعان العاشقى كٶمەكتٸ وسى اپتانىڭ سوڭىنا دەيٸن جٶنەلتۋدٸ جوسپارلاپ وتىرمىز", - دەپ قوستى باعدات انارباەۆا.
گۋمانيتارلىق كٶمەك رەتٸندە نە قاجەت ەكەنٸن بٸلۋگە, سونداي-اق ونى جيناۋعا ۆولونتەر بولا الاسىز: +7 747 821 64 78, +7 747 540 01 40, +7 771 625 77 76.
