Almatylyqtar 8 naýryz - Halyqaralyq áielder kúni men Naýryz meiramyn toilai ala ma ma? Bul saýalǵa qalanyń bas sanitariia dárigeriniń orynbasary Sádýaqas Baiǵabulov jaýap berdi, dep habarlaidy QazAqparat.
«Ótken aptadan beri Almaty qalasynyń kásipkerlerinen, túrli uiymdardan aldaǵy 8 naýryz Halyqaralyq áielder kúni men Naýryz meiramyn qalai toilaitynymyz týraly saýaldar kelip túsip jatyr. 18 aqpanda elimizdiń bas sanitariia dárigeri kezekti karantin erejeleri men shekteýlerdi belgiledi. Jańa talaptarǵa sáikes konferentsiialar men forýmdar, sondai-aq saltanatty keshter men eske alý keshterin ótkizýge bolady»,- dedi Sádýaqas Baiǵabulov.
Korporativtik keshter, basqa da buqaralyq is-sharalar tek Ashyq nysandarynda ótkizilýi tiis.
«Almaty qalasy «qyzyl» aimaqta bolǵandyqtan kelýshiler sany 70 paiyzdan aspaǵany abzal. Alda koronavirýstyń jańa jaǵdailary azaiyp, qala «sary» nemese «jasyl» aimaqqa aýyssa, onda eshqandai shekteýler bolmaidy», - dep túsindirdi ol.
