الماتىلىقتار 8 ناۋرىز - حالىقارالىق ەيەلدەر كٷنٸ مەن ناۋرىز مەيرامىن تويلاي الا ما ما? بۇل ساۋالعا قالانىڭ باس سانيتارييا دەرٸگەرٸنٸڭ ورىنباسارى سەدۋاقاس بايعابۇلوۆ جاۋاپ بەردٸ, دەپ حابارلايدى قازاقپارات.
«ٶتكەن اپتادان بەرٸ الماتى قالاسىنىڭ كەسٸپكەرلەرٸنەن, تٷرلٸ ۇيىمداردان الداعى 8 ناۋرىز حالىقارالىق ەيەلدەر كٷنٸ مەن ناۋرىز مەيرامىن قالاي تويلايتىنىمىز تۋرالى ساۋالدار كەلٸپ تٷسٸپ جاتىر. 18 اقپاندا ەلٸمٸزدٸڭ باس سانيتارييا دەرٸگەرٸ كەزەكتٸ كارانتين ەرەجەلەرٸ مەن شەكتەۋلەردٸ بەلگٸلەدٸ. جاڭا تالاپتارعا سەيكەس كونفەرەنتسييالار مەن فورۋمدار, سونداي-اق سالتاناتتى كەشتەر مەن ەسكە الۋ كەشتەرٸن ٶتكٸزۋگە بولادى»,- دەدٸ سەدۋاقاس بايعابۇلوۆ.
كورپوراتيۆتٸك كەشتەر, باسقا دا بۇقارالىق ٸس-شارالار تەك Ashyq نىساندارىندا ٶتكٸزٸلۋٸ تيٸس.
«الماتى قالاسى «قىزىل» ايماقتا بولعاندىقتان كەلۋشٸلەر سانى 70 پايىزدان اسپاعانى ابزال. الدا كوروناۆيرۋستىڭ جاڭا جاعدايلارى ازايىپ, قالا «سارى» نەمەسە «جاسىل» ايماققا اۋىسسا, وندا ەشقانداي شەكتەۋلەر بولمايدى», - دەپ تٷسٸندٸردٸ ول.
