Almaty qalasy áleýmettik meditsinalyq saqtandyrý jarnasyn tóleý jaǵynan alda keledi. Júie iske qosylǵan 2017 jyldyń 1 shildesinen búgingi kúnge deiin ońtústik astanalyqtar Meditsinalyq saqtandyrý qoryna 30 mlrd teńgege jýyq jarna aýdarǵan.
MSQ Almaty qalalyq filialy taratqan habarlamaǵa súiensek, túsimderdiń negizgi bóligin jumys berýshiler tólep otyr. Sebebi 2018-2019 jyldary jarna tóleý mindeti tek osy sanatqa ǵana júktelgen bolatyn. Jarnanyń qalǵan bóligi jeke kásipkerlerge tiesili. Burynǵy zań talaptary boiynsha, bul sanat 2017 jyldyń birinshi jartysynda ózi úshin jarna aýdarǵan bolatyn.
Filial málimetinshe, tólengen jarna kólemi jaǵynan ekinshi-úshinshi orynda Astana qalasy men Qaraǵandy oblystary tur. Al, almatylyq jumys berýshiler aýdarǵan aýdarymdar Meditsinalyq saqtandyrý qoryna túsken jalpy jarnanyń besten bir bóligin qurap otyr. Búgingi kúnge deiin Qorǵa túsken tólemderdiń jalpy kólemi 140 mlrd teńgeden asyp jyǵylady.
Jinaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.
Esterińizge sala ketsek, MSQ 2018 jyldan bastap TMKKK jáne mindetti áleýmettik meditsinalyq saqtandyrý (MÁMS) paketteriniń qarjylyq operatory bolyp tabylady jáne halyqqa kórsetiletin meditsinalyq qyzmetterdi QR Úkimeti bekitken tártip boiynsha satyp alýmen ainalysady.
