Almatyda satyp alýshy tsifrlyq tehnika dúkeninen jańa smartfon alý úshin toǵyz qap tiyn berdi, dep habarlaidy Tengrinews.kz tilshisi.
Erekshe satyp alýshy týraly málimet tsifrlyq tehnika satatyn dúkenniń Instagram jelisindegi resmi paraqshasynda jariialandy. Sýrette kassir qyz 50 jáne 100 teńgelik tiyndar salynǵan toǵyz qappen túsken, al onyń artynda satyp alýshynyń ózi men dosy túsip qalǵan, dedi kompaniiadaǵylar.
«Birneshe kún buryn jas jigit dúkenge kelip, jańa smartfonnyń aqysyn tiynmen tóleitinin aitty. Sońǵy bes jylda mundai oqiǵa birinshi ret bolyp otyr, sondyqtan biz osy jaǵdaidy sýretke túsirip alýdy sheshtik», - dedi kompaniia call-ortalyǵynyń operatory. Qaptardaǵy tiynnyń mólsheri 240 myń teńgeni quraǵan.
Qoldanýshylar arasynda qaptardyń bankke tiesili ekenin jáne onda arnaiy bank móriniń turǵanyn aitqan, alaida dúken qyzmetkerleri bul aqparatty joqqa shyǵardy.
«Bul qarapaiym qaptar, siz nemese biz aqsha jinaityn bolsaq osyndai qapty qoldanar edik», - dedi dúken qyzmetkeri.
