Almatynyń jedel járdem qyzmeti júrgizýshilerdiń shaǵymyna jaýap berildi, dep habarlaidy "Ult aqparat".
Aita keteiik, birqatar buqaralyq aqparat quraldarynda jedel járdem stantsiiasynda isteitin 20 shaqty júrgizýshi sársenbi kúni «Halyq parki» aldyna jinalyp, narazylyq bildirgeni týraly jazyldy. Olar ústemaqynyń keshiktirilgenine, kólikke qajet quraldar men bólshekterdi óz qaltasynan aqsha shyǵaryp, satyp alatyndyǵyna shaǵymdandy. Jumysshylar sonymen birge máseleni kótergen belsendilerdiń qýdalaýǵa ushyrai bastaǵanyn da aitqan.
«18 mamyrda bizdiń bir júrgizýshige qatysty tártiptik keńes ótti. Onyń nátijeleri boiynsha esh sebepsiz bes kún jumys ornynda bolmaǵan júrgizýshini jumystan bosatý týraly sheshim qabyldandy. Eńbek kodeksine sáikes, direktordyń orynbasary, zańger, sarapshy, kadr qyzmetiniń mamany kiretin tártiptik komissiiasy eńbek kelisimshartyn buzý týraly sheshim shyǵardy», - dep túsindirdi Jedel járdem qyzmeti direktorynyń mindetin atqarýshy Erbol Sársenbaev.
Spikerdiń aitýynsha, júrgizýshi komissiia sheshimimen kelispegen. Al onyń áriptesteri, 20 adam ákimdikke shaǵymdanǵan. Olarǵa jaǵdai tolyq túsindirildi. Másele sheshildi. Sońynda olar keshirim surady.
Sonymen qatar, ol kólikterdi óz esebinen jóndeýge qatysty shaǵymdarǵa da jaýap berdi.
«Mundai jaǵdai erterekte bolǵan edi. Qazirgi ýaqytta men kún saiyn tańerteń avtojóndeý sheberhanasy men bas injener usynǵan barlyq esepterdi, aktilerdi usyna alamyn. Osy anyqtamaǵa sáikes, barlyq kólikter jóndeý sheberhanalarynda qysqa jáne uzaq merzimdi jóndeýden ótedi. Qazir bizdiń kólik parkimiz jańa. 2020 jyly 140 jańa jedel járdem kóligi satyp alyndy. Olardyń 100-i qazir iske qosyldy. Qalǵan 40 kólik qyrkúiekten bastap qyzmette qoldanylady. Almaty qalasynyń turǵyndaryna meditsinalyq qyzmet kórsetetin 200 kólikten basqa, bizde rezervtik kólikter bar. Kez kelgen kólik buzylady, mundai jaǵdaida jedel járdem brigadasy rezervtegi kólikke otyrady. Al buzylǵan kólik avtojóndeý oryndaryna jiberiledi», - dedi ol.
Erbol Sársenbaev júrgizýshilerge beriletin ústemeaqy týraly da aitty.
«Olar ústemeaqyny alyp otyr. Sondai-aq, mamyr aiynda qala ákimdigi densaýlyq saqtaý ministrliginiń qaýlysynda engizilmegen qyzmetkerlerge qosymsha qarajat bóldi, óitkeni olar osy epidemiiaǵa qarsy sharalarǵa qatysty. Densaýlyq saqtaý ministrliginiń buiryǵyna sáikes epidemiologiialyq sharaǵa qatysýshylar úsh sanatqa bólindi. Júrgizýshiler úshinshi sanatqa, al feldsherler men dárigerler ekinshi sanatqa jatady», - dedi ol.
