Almatylyq túlek UBT-dan eń joǵary ball aldy, - dep habarlaidy "Ult aqparat" Ulttyq Testileý ortalyǵynyń baspasóz qyzmetine silteme jasap.
Eń joǵary ball jinaǵan túlek Almaty qalasyndaǵy Muqaǵali Maqataev atyndaǵy №140 gimnaziiasyn bitirdi. Tasan Saiat Eltaiuly 139 ball jinaǵan, al 7 adam 138 ball jinaǵan.
Baspasóz qyzmetiniń málimetinshe, biyl Ulttyq biryńǵai testileý (budan ári-UBT) elimizdiń 165 UBT ótkizý pýnktterinde aǵymdaǵy jyldyń 20-27 maýsymy aralyǵynda jańa formatta ótkizildi. "UBT-ǵa qatysýǵa 10(11) synyptardyń 92 827 túlegi ótinish berip, olardyń 67 627 (76,3 paiyz) qazaq tilinde jáne 20 968 (23,6 paiyz) orys tilinde tapsyrýǵa ótinish bergen. Jergilikti atqarý organdarynyń málimetinshe 35 000 asa túlekter UBT ótkizý pýnktterine (budan ári- UBTÓP) jetkizilip, tamaqpen qamtamasyz etilgen jáne olardyń 11 000 jatar jaimen qamtamasyz etilgen. Fakt boiynsha 88 583 adam testileýge qatysyp, ótinish berýshilerdiń 95,4 paiyz qurady", - dep habarlady ortalyq qyzmetkerleri.
UBT júrgizý úshin aimaqtarǵa 1815 Qazaqstan Respýblikasynyń Bilim jáne ǵylym Ministrliginiń ókilderi (75% joǵary oqý oryndarynyń professor-oqytýshy, 25 paiyzy kolledj muǵalimderi) jiberildi. Uiymdastyrý suraqtaryn sheshý men UBT monitoringin júrgizý úshin ótkizý oryndarynda bilim berý mekemeleriniń basshylarynan, jergilikti atqarýshy organdarynan, quqyqqorǵaý qyzmetteri, qoǵam men buqaralyq aqparat quraldar qyzmetterniń ókilderinen turatyn sany 965 adam memlekettik kommisiia qurylǵan. Sonymen qatar, aldyńǵy jyldardaǵy siiaqty UBTÓP-ke aýa baptaǵyshtar qoiylyp, meditsinalyq (psihologiialyq) kómek pýnktteri uiymdastyryldy jáne qaýipsizdik qamtamasyz etýshi qyzmetshiler kezekshilikte turdy. Aǵymdaǵy jyly birinshi ret bultty internet iske qosyldy. Bul qyzmet barlyq adamǵa Qazaqstannyń kez kelgen núktesinde ótip jatqan testileý barysyn qadaǵalaýǵa jáne quqyq buzýshylyq deńgeiin tómendetýge aitarlyqtai septigin tigizdi.
"UBT-nyń ótkizý erejesi men tyiym salynǵan zattardy qoldanǵany úshin testileýden 12 adam shyǵaryldy. Testileý barysynda 85446 tyiym salynǵan zattar, sonyn ishinde 43394 elektrondyq qurylǵy (uialy smartfon, roýter, modem jáne t.b) jáne 42052 qaǵaz júzinde (shpargalka, oqýlyqtar jáne t.b) alyndy", - dedi baspasóz qyzmetindegiler.
Ótkizý oryndaryndaǵy jetekshi muǵalim - pán muǵalimderinen quralǵan appeliatsiialyq komissiia músheleriniń sany - 3 300 adam, respýblikalyq appeliatsiialyq komissiia - 54. Respýblikalyq appeliatsiialyq komissiiaǵa mazmuny boiynsha 199 test tapsyrmalary túsip, onyń 103 qanaǵattandyryldy.
Tehnikalyq sebepterge bailanysty kelip túsken 12 test tapsyrmanyń 7-i qanaǵattandyryldy. Qazaqstan boiynsha bes pánnen UBT qorytyndysy boiynsha ortasha ball 80,5 paiyz (múmkin bolǵan 140 balldan). Byltyrǵy jylǵy kórsetkish (múmkin bolǵan 125 balldan) 81 paiyz boldy. Shektik deńgeiden, iaǵni 50 ball alǵan 74 517 ((84,1 paiyz), onyń ishinde 60-65 ball: 5935 (7,9 paiyz), 66-119 ball: 52 717 (70,7 paiyz), 120 - 139 ball - 5 064 (6,8 paiyz). Shektik deńgeiden óte almaǵandar sany - 14 066 adam (15,8 paiyz).
Baspasóz qyzmetiniń málimetinshe, 2017 jyly UBT ótkizý barysyndaǵy barlyq is-shara shtattyq tártipte ótti. Halyq UBT-nyń jańa formatyn jaqsy qabyldady.
