Almatylyq politsiia qyzmetkerleriniń jumysy planshettegi jańa fýnktsiianyń kómegimen jeńildei túspek.
Jańa bastama politsiia qyzmetkerleriniń jyldam ári ońtaily jumys jasaýyna septigin tigizbek. Planshettegi bet-álepetti taný fýnktsiiasy arqyly qylmystyq isterdi jáne qylmyskerlerdi izdestirý jyldam júzege asyrylatyn bolady.
Aldaǵy ýaqytta bet-álpetti taný fýnktsiiasy jol-patrýldik politsiia planshetterinde jáne Almaty qalasynyń aýdandyq inspektorlarynyń planshetinde ornatylady.
«Qazirgi tańda politseilerdiń planshetine bet-beineni taný fýnktsiiasyn ornatý jumysy júzege asyrylýda. Onyń negizigi qyzmeti – adam beinesin naqtyly ýaqyt rejiminde anyqtaý jáne jyldam suryptaýdan ótkizý. Sondai-aq jumys barysynda kez-kelgen qylmysqa qatysy bar, izdeýde júrgen adamdardy jáne belgisiz máiitterdi tanýda muraǵattaǵy beine jazbalar qoryna jyldam suryptaý jasalady», - deidi Almaty qalasy IID resmi ókili Saltanat Ázirbek.
Bul jańashyldyq qylmystyq isterdi anyqtaýda jáne túrli quqyqtyq opertsiialardy jyldam júzege asyrýda zor yqpal jasaidy. Sonymen qatar tulǵalardyń qandaida bir zań buzýshylyq oqiǵasyna qatysty aqparatty izdestirý kezindegi ýaqyt shyǵynyn azaitady.
Planshet arqyly ýchaskelik inspektorlar Ishki ister ministrliginiń ortalyqtandyrylǵan aqparattyq bazasyna kirip, qajetti aqparatqa suranys jasai alady.
Aita ketsek, elimiz boiynsha ár ýchaskelik inspektordy jeke planshetpen qamtamasyz etý kózdelgen bolatyn. «Tsifrly Qazaqstan» baǵdarlamasy aiasynda júzege asyrylyp jatqan jobanyń jalpy quny – 2,7 mlrd teńge.
Eske sala ketsek, mundai júie qaýipsizdikti qadaǵalaý maqsatynda Nur-Sultan qalasyndaǵy «aqyldy» úilerde ornatylǵan. Face Recognition (túr-álpetti taný) tehnologiiasynyń kómegi arqyly úige kirýge bolady. Atalǵan júie úige kirýge arnalǵan kartochka men kilt, magnit, smartfon siiaqty zattardy talap etpeidi. Kamera úi iesiniń bet-álpettin jyldam tanýǵa tyrysyp, ony bazadan naqty tapqan kezde esik avtomatty túrde ashylady.
