Almaty qalasy oqýshylaryna 30 qańtardan 8 aqpanǵa deiin demalys jariialanady, dep habarlaidy "Ult aqparat" QR BǴM baspasóz qyzmetine silteme jasap.
Almatyda ótetin Dúniejúzilik Ýniversiadaǵa sanaýly kúnder qalyp otyr, ońtústik astana jyldyń eń iri oqiǵasyna jiti daiyndyq ústinde. Bul bilim berý salasyna da qatysty, Ýniversiadany ótkizýge bailanysty Almaty q. mektepterinde oqityndarǵa 30 qańtar men 8 aqpan aralyǵynda qosymsha demalys engizý týraly sheshim qabyldandy.
Barlyq elde osyndai halyqaralyq iri ári mańyzy bar jarystar kezinde osyndai sharalar qoldanylady. Onyń maqsaty – jergilikti oqýshylardyń jarystardy tamashalaýǵa barýǵa múmkindigi bolyp, olardy salaýatty ómir saltyna baýlyp, sportty halyqqa taratý, oqiǵanyń bir bóligi ekenin sezdirý. Almatydaǵy mektep oqýshylary da endi osy oqiǵany tamashalai alatyn boldy.
Almaty qalalyq bilim bólimindegilerdiń habarlaýynsha, bul qosymsha kanikýl Naýryz meiramy kúnderine áser etpeidi – 21,22,23 naýryzda almatylyq oqýshylar qazaqstandyq basqa oqýshylar sekildi demalady. 24 naýryz ben 1 sáýir aralyǵynda oqýshylar oqýyn jalǵastyryp, 1 sáýirde olarǵa toqsandyq baǵalar qoiylady.
4 sáýirde 4-shi toqsan bastalady. Bul ózgeris Almatydaǵy joǵary oqý oryndary men kolledjderdiń sabaqtar kestesine áser etpeidi.
Aita ketsek, Almatyda 201 mektep bar, onda 218 myń oqýshy bilim alyp jatyr.
