الماتى قالاسى وقۋشىلارىنا 30 قاڭتاردان 8 اقپانعا دەيٸن دەمالىس جارييالانادى, دەپ حابارلايدى "ۇلت اقپارات" قر بعم باسپاسٶز قىزمەتٸنە سٸلتەمە جاساپ.
الماتىدا ٶتەتٸن دٷنيەجٷزٸلٸك ۋنيۆەرسياداعا ساناۋلى كٷندەر قالىپ وتىر, وڭتٷستٸك استانا جىلدىڭ ەڭ ٸرٸ وقيعاسىنا جٸتٸ دايىندىق ٷستٸندە. بۇل بٸلٸم بەرۋ سالاسىنا دا قاتىستى, ۋنيۆەرسيادانى ٶتكٸزۋگە بايلانىستى الماتى ق. مەكتەپتەرٸندە وقيتىندارعا 30 قاڭتار مەن 8 اقپان ارالىعىندا قوسىمشا دەمالىس ەنگٸزۋ تۋرالى شەشٸم قابىلداندى.
بارلىق ەلدە وسىنداي حالىقارالىق ٸرٸ ەرٸ ماڭىزى بار جارىستار كەزٸندە وسىنداي شارالار قولدانىلادى. ونىڭ ماقساتى – جەرگٸلٸكتٸ وقۋشىلاردىڭ جارىستاردى تاماشالاۋعا بارۋعا مٷمكٸندٸگٸ بولىپ, ولاردى سالاۋاتتى ٶمٸر سالتىنا باۋلىپ, سپورتتى حالىققا تاراتۋ, وقيعانىڭ بٸر بٶلٸگٸ ەكەنٸن سەزدٸرۋ. الماتىداعى مەكتەپ وقۋشىلارى دا ەندٸ وسى وقيعانى تاماشالاي الاتىن بولدى.
الماتى قالالىق بٸلٸم بٶلٸمٸندەگٸلەردٸڭ حابارلاۋىنشا, بۇل قوسىمشا كانيكۋل ناۋرىز مەيرامى كٷندەرٸنە ەسەر ەتپەيدٸ – 21,22,23 ناۋرىزدا الماتىلىق وقۋشىلار قازاقستاندىق باسقا وقۋشىلار سەكٸلدٸ دەمالادى. 24 ناۋرىز بەن 1 سەۋٸر ارالىعىندا وقۋشىلار وقۋىن جالعاستىرىپ, 1 سەۋٸردە ولارعا توقساندىق باعالار قويىلادى.
4 سەۋٸردە 4-شٸ توقسان باستالادى. بۇل ٶزگەرٸس الماتىداعى جوعارى وقۋ ورىندارى مەن كوللەدجدەردٸڭ ساباقتار كەستەسٸنە ەسەر ەتپەيدٸ.
ايتا كەتسەك, الماتىدا 201 مەكتەپ بار, وندا 218 مىڭ وقۋشى بٸلٸم الىپ جاتىر.
