Almatylyq múmkindigi shekteýli oqýshy Rýbik tekshesin (kýbik-rýbik) sanaýly ýaqytta sanaityn robot qurastyryp shyǵardy, dep habarlaidy "Ult aqparat".
Facebook áleýmettik jelisinde talantty balanyń robotyn tanystyrǵan video tarady.
Qalyń kópshilik ony qazaqstandyq «Ilon Mask» dep atap júr.
«Bizdiń oqýshynyń talabyna baǵa berseńizder. Kóp adamdar teksheni jinai almai júrgende, Serik Hangeldi ony jinaityn robot oilap shyǵardy. Serik - mektebimizdiń, elimizdiń maqtanyshy», - dedi № 40 mektep direktorynyń orynbasary №40 Ermek Erboshaev.
Balanyń ájesiniń aitýynsha, 3 jasynan bastap Serik modeldeýge áýestene bastaǵan.
«Serik 5 jyl buryn quraǵan robotty Amerikada 62 jastaǵy ónertapqysh adam qurastyrǵan eken. Keiin onyń eńbegin Reseide qaitalady. Al Qazaqstanda birinshi ret Serik jasady. Bul – Seriktiń tórtinshi jumysy. Basqa jumystaryn osy ýaqytqa deiin kóp kórsetken emespiz», - dedi ájesi Aitgúl Ábdirahmanova.
Densaýlyǵynyń jaǵdaiyna bailanysty Serik Hangeldi úiden oqyp júr.
Qazir ol 9-synypta oqidy. Bos ýaqytynda shahmat oinap, robototehnikamen ainalysady.
«Robototehnika boiynsha arnaiy bilim alǵan joqpyn. Robotty jasaǵanda internettegi instrýktsiia men programmaǵa qarap otyrdym. Robotty quraýǵa 7 kún ýaqyt ketti. Lego quralǵan robot adamnyń kómeginsiz Rýbik tekshesin jinaidy», - dedi Serik Hangeli.
«Qazaqstandyq Ilon Masktyń» jumysyna qytai kompaniiasy qyzyǵýshylyq tanytyp otyr. Balaǵa arnaiy robottehnika sabaqtaryna onlain qatysýǵa usynys túsken.
«Saitqa keshe tirkeldik. Endi Serik qytailyq ónertapqyshtarmen birge túrli model quraityn bolady», - dedi ájesi.
