الماتىلىق مٷمكٸندٸگٸ شەكتەۋلٸ وقۋشى رۋبيك تەكشەسٸن (كۋبيك-رۋبيك) ساناۋلى ۋاقىتتا سانايتىن روبوت قۇراستىرىپ شىعاردى, دەپ حابارلايدى "ۇلت اقپارات".
Facebook ەلەۋمەتتٸك جەلٸسٸندە تالانتتى بالانىڭ روبوتىن تانىستىرعان ۆيدەو تارادى.
قالىڭ كٶپشٸلٸك ونى قازاقستاندىق «يلون ماسك» دەپ اتاپ جٷر.
«بٸزدٸڭ وقۋشىنىڭ تالابىنا باعا بەرسەڭٸزدەر. كٶپ ادامدار تەكشەنٸ جيناي الماي جٷرگەندە, سەرٸك حانگەلدٸ ونى جينايتىن روبوت ويلاپ شىعاردى. سەرٸك - مەكتەبٸمٸزدٸڭ, ەلٸمٸزدٸڭ ماقتانىشى», - دەدٸ № 40 مەكتەپ ديرەكتورىنىڭ ورىنباسارى №40 ەرمەك ەربوشاەۆ.
بالانىڭ ەجەسٸنٸڭ ايتۋىنشا, 3 جاسىنان باستاپ سەرٸك مودەلدەۋگە ەۋەستەنە باستاعان.
«سەرٸك 5 جىل بۇرىن قۇراعان روبوتتى امەريكادا 62 جاستاعى ٶنەرتاپقىش ادام قۇراستىرعان ەكەن. كەيٸن ونىڭ ەڭبەگٸن رەسەيدە قايتالادى. ال قازاقستاندا بٸرٸنشٸ رەت سەرٸك جاسادى. بۇل – سەرٸكتٸڭ تٶرتٸنشٸ جۇمىسى. باسقا جۇمىستارىن وسى ۋاقىتقا دەيٸن كٶپ كٶرسەتكەن ەمەسپٸز», - دەدٸ ەجەسٸ ايتگٷل ەبدٸراحمانوۆا.
دەنساۋلىعىنىڭ جاعدايىنا بايلانىستى سەرٸك حانگەلدٸ ٷيدەن وقىپ جٷر.
قازٸر ول 9-سىنىپتا وقيدى. بوس ۋاقىتىندا شاحمات ويناپ, روبوتوتەحنيكامەن اينالىسادى.
«روبوتوتەحنيكا بويىنشا ارنايى بٸلٸم العان جوقپىن. روبوتتى جاساعاندا ينتەرنەتتەگٸ ينسترۋكتسييا مەن پروگرامماعا قاراپ وتىردىم. روبوتتى قۇراۋعا 7 كٷن ۋاقىت كەتتٸ. Lego قۇرالعان روبوت ادامنىڭ كٶمەگٸنسٸز رۋبيك تەكشەسٸن جينايدى», - دەدٸ سەرٸك حانگەلٸ.
«قازاقستاندىق يلون ماسكتىڭ» جۇمىسىنا قىتاي كومپانيياسى قىزىعۋشىلىق تانىتىپ وتىر. بالاعا ارنايى روبوتتەحنيكا ساباقتارىنا ونلاين قاتىسۋعا ۇسىنىس تٷسكەن.
«سايتقا كەشە تٸركەلدٸك. ەندٸ سەرٸك قىتايلىق ٶنەرتاپقىشتارمەن بٸرگە تٷرلٸ مودەل قۇرايتىن بولادى», - دەدٸ ەجەسٸ.
