«Nur Otan» partiiasy Almaty qalasy Medeý aýdandyq filialynyń ókilderi №2 qalalyq emhanasynyń partiia múshelerimen birlese otyryp, «Qarttar kúnine» arnalǵan qaiyrymdylyq túski as ótkizdi.
Shara barysynda emhananyń bas dárigeri Toǵjan Esbergenova zeinetkerlerge elimizdiń igiligi jolyndaǵy kóp jylǵy eńbegi úshin alǵys aitty. Aq dastarhan jaiylyp, arnaiy kontsert qoiyldy.
Sondai-aq, Áýezov aýdanynyń «Áleýmettik qyzmet kórsetý ortalyǵynda» áleýmettik qyzmet jónindegi mamandar zeinetkerlerge arnaiy kontserttik baǵdarlama ótkizdi. Oǵan Smart-mektebiniń oqýshylary men «Saltanat» memlekettik bi ansambliniń ujymy qatysty.
– Partiia ókilderi bizge árqashan kóńil bóledi. Ártúrli is-sharalarǵa shaqyrady, kómektesedi. Búgin óte jaqsy ýaqyt ótkizdik. Án aityp, bi bilep, dámdi túski as berildi. Uiymdastyrýshylarǵa úlken raqmet, – deidi «Úmit» zeinetkerler klýbynyń músheleriniń biri.
Halyqaralyq qarttar kúnine orai qala, aýdan ákimdikteri, Jumyspen qamtý jáne áleýmettik baǵdarlamalar basqarmasy, Almaty qalasy máslihatynyń depýtattary almatylyq qariialar úshin kóptegen is-sharalar ótkizýde. Qarttar ailyǵy naýqany aiasynda oqýshylar men stýdentter de aldyńǵy býyn ókilderine syilyqtar berip, qajetti kómek kórsetetin bolady.
